هل ممكن يصير حمل خلال هالفترة !

[79ooni]

السلام عليكم ورحمة الله وبركاته ..
أتمنى تكونون جميعاً بخير يارب *


بنات أنا عندي سؤالين :

الأول :
بعد ما تنتهي أيام الخصوبة والتبويض عادي يصير قذف في الداخل ؟

2 / صار لي تقريباً 10 أيام من صار اللقاء بيني وبين زوجي ..
ووقفت فترة لأني كنت أبي يصير بوقت التبويض وما شفت عقبه تبويض وتأكد لي بعد فترة إن بنفس اليوم اللي صار فيه اللقاء كان هو نفسه اليوم أو اللي بعده ..

بعدين طبعاً صار لقاء آخر بعد كم يوم علشان قلت مابي أفوّت أيام الخصوبة
- بحسب مشورة البنات لي الله يجزاهم خير - ..

المهم لي كم يوم تجيني نغزات بأسفل رحمي، تألمني كثير كأنها زي الغازات ..
وشي ثاني لي يومين معاي ألم بظهري فظييييع، قسم بالله يا بنات إني ما أنام الليل منه ..
وطالع لي شي بصدري زي الرضّة يعورني حيل، وجسمي قَب كله حبوب !!
وصايرة أتشهّى أشياء أضحك على نفسي قبل أطلبها، مرة أبي ( كنار )، مرة ( ساندويتش مشكل)، وكل يوم أبي ( تبولة ) ..
وماغير أبي أنام، تجيني الصيحة لا قمت الصبح علشان أسوي لرجلي فطور ..

معقولة يا بنات تجي أعراض حمل عقب عشرة أيام !!!
وباقي على دورتي تقريباً أسبوع ونص ..
وأقول لأمي وتضحك علي :( ..


إي وشسمه بعد نسيت شي بنات والله من غير مبالغة يومياً أحمل إني والد، أمس عاد حلمت إن أمه راسلة له مسج وبوقت فجرية وكاتبة له مبروك عليك بنتك، وكنّي بالحلم أقول له شلون تبارك لك بالبنت وأنا للحين ما ولدت، وأقول بخاطري في الحلم الحين بربّي هاللي انولد ولا هاللي في بطني !


( يارب الله يرزقني ويرزقكم ويحفظ البنات الحوامل ويتمم عليهم ويقومهم بالسلامة ويقر عيونهم بتمام خلق وخلقة عيالهم ) ..
* عذراً ع الإطالة ..