تجمع بنات الجزائر الحوامل

[مريم13]

انا راني تعدبت بزاف في زيادتي خاطر في اول يوم في التاسع دخلوني للمستشفى خاطر طلعتلي لاطونسيون تعدبت بزاف ملي دخلت وهوما يديرولي في الديكلونشمو و الديكولمون
دارولي 3 سوند يدخلوهم لداخل حاشاكم ويعمريهم بالسيروم باش يحلو الكول والله قتلوني ديرلي منهم الشخانة اخر وحدة طرطقت فيا لداخل ومن عد دارولي 6 ابر تاع سانطو وليت نسوطي كي لحصان وما تفتحش اكتر من 5 اصابع والسقية طرطقت وبدات تخضار ويانيس بدا قلبو يتراجع هبطوني نجري لغرفة العمليات على جال القيصرية يعد 8ايام من العذاب
المهم دارولي القيصرية ويانيس كي خرجوه ما عيطش وراحو يجريو بيه تم مريت باصعب لحظة في حياتي الحمد لله زربو بيه ونفسوه اسطناعيا والحمد لله بعد 3ايام خرجوني
وعد اربع ايام ولات العملي تخرج الماء كي وليت للمستشفى حكموني و حلوهالي وخلاوني 7 ايام عندم العملية مفتوحة وهوما كل يومينشفوها بالكومبيريس موت حمراء كيما يقولو المهم كي نشفت خيطوني بدون انيسطيزي واش نقولك الم مبرح ولحد الان مازال ما نحيت الخيط وكل يوم الصباح نروح للمشفى يعصروني درك العملي شاحت بصح مازال 6 ايام اش نحي الخيط
والحمد لله على كلش