ساعدوني

[وفاء محمد]

السلام عليكم ورحمه الله وبركاته
انا مش عارفه من وين ابدا وكيف نحكي
انا يا بنات من اول ماتجوزت وانا في هم ونكد ما يعلم بيه الا ربنا
تجوزت برضا من اهلي واخذت رأي كل اللي نعرفهم
عشان مانكونش تسرعت في قراري
زوجي انسان امي ما يعرف يقراء ولا يكتب وغير اجتماعي ولما خطبني حسيت ان حتى في الكلام يتلعثم ويتلخبط
وكل شي حسيت بيه حكيته لخوتي وامي وحتى بابا
بس كان طيب طيب لابعد الحدود ويتمنالي الرضى وهوا من عائله معروفه من اكابر العائلات في مدينتنه وكانت الناس حاسدتني عليه من كثر دلاله معايا وتعلقه بيا لدرجه انه لما كنت نزعل منه كان يبكي ويقول انتي لو تركتيني انا راح ننجن وراح تسمعي عني كلام مايسرك
وبعد الزواج من ونحنه في صاله الفرح استكردني وقعد يضحك مع بنات خالاته ولما مشينا للبيت في الصبحية قالي ليش ماقفلتي الشقه وقالها بطريقه مش حلوه وانا عروس
وبعدين لقيت انه كل يوم ايجي من الشغل ويقد مع اهله تحت ويتعشه تحت من وانا عروس من الاسبوع الاول وانا ايجيني بس عشان اينام ولما قتله ليش ماتقعد معايا قالي شن نبي في وجهك انا نقعد مع اهلي والله يا بنات من وانا عروس ماعندش اسلوب معايا ولما انكون معى اهله تحت طول ما هوا داخل وخارج مانسمع منه غير الاهنات والكلام الجارح قدام امه واخوانه على اشياء تافها زي ليش ماسكرتي باب المطبخ ليش ماحطيتي الخضره في الثلاجه و عارف اني انسوي في الغداء لاهله وحدي بدون مساعده واخواته جالسات وما يقوللهم على مثل هاذي الاشياء ولما يتكلم ايقولي قدامهم انا لازم اشتمك واهينك عشان تسمعي الكلام وهذا غير مواقف اخواته معاي وتدخل امه في كل شي حتى لما اطلع من البيت لازم ايقوللها وياخذ رايها حتى لما ايكون ناقصني شي هي اللي تحدد المبلغ اللي يعطيه ليا وتقوله على مبلغ هي عارفه انه مايسد اي شي وكانت اصلا في البدايا تبي هي اللي تطلع وتجيبلي الملابس وانا ممنوع الطلوع وجابتلي ملابس مستحيل كنت نقدر نلبسهن حتى مش مقاسي اصلا ولما رجعتهن شتمني واهاني قدامها وقالي انتي ماتفهمي في العيب وانتي هاذي التربية اللي ربوها لكي اهلك
حتى طريقه ترتيبي لبيتي وغرفه نومي ومطبخي وثلاحتي هي اللي تحكم في كل شي
ولما حملت مافي ولا واحد قالي اقعدي وارتاحي انتي حامل وكنت ننزل ونسوي الغداء ولما مايعجبهم الاكل ايقولوله ماعجبنه اكلها اليوم وهوا ايجي ويسمعني الكلام الي من دون طعمه
وبعد ماخلفت ورجعت من المسشفى لقيتهم مفتشين الشقه واخذين اشياء بدون استأذان وحاطين في ثلاجتي اشيا اتخصهم كان البيت انا بس شغاله فيه وماعنديش أي رأي ولما حكيتله قتله يستأذنن مني من باب الذوق مش اكثر راح ضربني على ايدي وقالي قصدك اخواتي ماعندهمش ذوق وانا مازلت نافس ومريضه
وابني صارو اينزلو فيه في الصبح او الضهر وايرجعوه بعد 10 ساعات ويعطوه رضاعه عشان ينسى صدري ويتعود على الرضاعه
ونصبر في نفسي وانقول المهم في الليل اينام معايا في حضني وبعد كل هذا لما ناض الولد الساعه 1:30 في الليل قالي هاتي انزله تحت ماقدرتش اتحمل وقتله يكفي انه في النهار تاخذو فيه مني وتوا حتى في الليل وصار ايشد مني في الولد اللي عمره اسبوعين وهوا يبي يرضع مني ولما ماعرف ياخذه صار يضربني على ايدي وكتفي ووجهي بقبضه يده ركضت ناحيه باب الشقه عشان انزل تحت وانفذ بجلدي راح واخذ المفتاح وقالي مافيش نزول
اخذت المفتاح الثاني وفتحت الشقه ونزلت ركض قالي وانا نازله انتي طالق وحماتي بدل ما توقف مع الحق كذبتني ومقتنعه انه انا اللي غلطانه مش ابنها اللي ضربني وانا مازلت مريضه
كلمت اهلي وجاء خويا خذاني
بس بابا قال لو ماترج لزوجها معناها تعطي ابنها لابوه
ولما اتصير عندي مطلقه معناها ما فيش خروج مافيش دراسه مافيش شغل حتى تليفون مافيش وابنها ماتحلمش انها اتشوفه وانا يا بنات مش قادره نترك ابني وفي نفس الوقت مش قادره نرجع لحيات الاهانة والشتم والضرب
ساعدوني الله ايخليكم ودلوني على الرأي السليم