ساعدوني . الجنين تعبان

[السحاب الأحمر]

السلام عليكم ورحمة الله وبركاته ..اخواي مثل ما هو مذور انا خلصت التاسع وماعندي بوادر ولادة . قبل اسبوعين عملت سونار للبيبي عشان اتطمن عليه ...والحمد لله سليم ما فيه شئ ...بعد يوم صارت عزومه وجاني الم شديد جدا جدا ماقدرت اتحمله فكرتها ولاده ...ورحت عملت سونار اتطمن على البيبي ليش عمل كذا ...لقيت البيبي عنده تضخم بالكليه وانتفاخ بالامعاء ...وجلست تسألني الدكتورة تقول اكلتي حاجه حاذقة مخللات او شطه قلت لها لا ...قالت عشان يمكن مؤقت وتروح ...بعدها صرت رايحه جايه على مستشفى الولادة ويقولوا ايش نعمله لما يولد نشوف مشكلته ..مع انه دككتور قال لي ضروري تجي الصباح معك تحويل ...وجبت التحويل لكن ما الاقيه في المناوبه ...الزبده لما جبت التحويل كشفت على الدكتورة وقالت فعلا زي ما هي الكلى متضخمه والامعاء منتفخة ...وصرت رايحه جايه ومافيه بوادر ولادة ولاشئ بس يعملوا تخطيط ويقولوا ما فيه شئ ...رحت اليوم دكتورتي في الخاص بعد اسبوعين او اكثر من هالمشكلة وعملت لي سونار وقالت الكلى والامعاء زي ما هي وقال احتمال عندك جرثومة القطط وقالت لي اعملي تحليل عشان لو عندك نعالجها ...انا من بعد ما قالت كذا جاني احباط فضيع لانه اللي اعرفه الجرثومة تسبب اسقاط او تشوهات عقليه وجسميه وانا ما جاني اسقاط وممكن يوم او يومين اولد ...متى يعالجوها ياترى ...وهي قالت نعالجها في رحمك افضل من انه تنولد ونعالجها بعد الولادة لانه تكون خلاص العيوب معها وممكن تظهر عيوب مستقبليه ....يارب رحمتك نتيجة التحليل بكرة ....مين كان عندها جرثومة وجاتها قبل الولادة وطلع طفلها سليم ....يارب رحمتك