حبيباتى سيدات ليبيا تفضلو لأعرف ما حالكم

[dr.loly]

المشاركة الأصلية كتبت بواسطة شموسه 88

يا هلا بافروسه لكي وحشه اواكيد مش حنغيب عليكم باذن لله

لا لا بطاطة طاجين مش طاجين بطاطا هههههههه هي نفس بطاطا لمبطنه بس هيا في طاجين ايقولولها حتى "امريشه"
تاخذي بطاطا اتقصيها شرائح واوتقليها نص قليه اواتطيبي عصاج امتاعك او دجاح كيف مااتحبي اوتحطيه عل البطاطه بعدها اتحطي جبنه شرائح بعدها اتحطي طبقه اخرى من البطاطا بعدها تضربي دحي مع ثوم اوفلفل اكحل اوملح واتصبي فوقها واتحطيها في الفرن لين مااتحمر

حتى الطاجين بطاطا انحبة بذات مع الداجاج بس اندير فيه ابيض انحط بطاطا شرائح اطوال اوبصل مفروم اوثوم اودجاج طبعا تقعدي امتبلتين في ليمون اوخل اوزبادي انحطه مع بعضهن اونحط ملح اوفلفل اكحل او زنجبيل اوشووية زيت زيت زيتون انحطا عل غاز اشويه بعدها انحطه في الكوشه يعطلع خيالي امممم سهفتيني عليه

اها لا صاحبنا الطاجين هضا الاسبوع لي فات درتــــه ..

بس درته ببطاطا وجبنة شرائح وزيتون وهريسه عربيه اتجي اخف وزوجي يحبها بالطريقه هذه


ومش بعيده ع طريقتك بس نقلي ف بطاطا مش نص قلي ونغلظها اشوي

وطبقة بطاطا وبعدها شرائح جبنه وبعدها نمسح عليها هريسه بالكامل ونغطيهيا بالزيتون بعدها طبقة بطاطا نغطيها بالكامل

وخليطي هو 3 دحيات وكاشيكين دقيق وثوم وبهارات كامله نصبه ونحطه ف كوشه



وكان بنديره بالمفروم مثلآ مانضيفش جبنة مرات طعمة البطاطا مع مفروم نحسها اطيب..



ومرات نديرها بمهروس بطاطا بدل قلي هذه ف حال المفروم


بس



وحتي نا اسهفت ع الطاجين ان شاء الله ندير غداي اليوووم وحتي نا قتلك انحبه ابيض ونضيفله فلفل حلو شرائح ولا اروع يعطي نكهه