قصتي ومعاناتي

[رنا محمد]

مرحبا بكم اخواتي، انا تزوجت من سنتين وسوف اكتب قصتي لكم ...
من اول زواجي كنت انتظر الحمل رغبة و حب بشيء يجمعني بزوجي وبعد ستة اشهر من زواجي لاحظنا ان محاولاتنا بالحمل لم تنجح مع انني اتابع ايام التبويض ولكن في نهاية الشهر اكتشف انه بلا فائدة :( وبعد التفكير قمت بزيارة دكتورة نسائية وطلبت فحوصات عدة لي و كان كل شي سليم واصبحت تتابع التبويض معي ويتم الجماع بالايام التي تحددها الدكتورة لكن مع ذلك لم نحصل على نتيجة تذكر... بعد مرور اشهر على الرغم من رفض الدكاترة البدا بالقلق كون الزواج لم يمر عليه عام اللا انني رفضت واستمررت بطلب العلاج رغبه مني بالحمل وشعور داخلي انه يوجد مشكلة وكون صديقتي و ابنه عمتي تزوجوا معي و حملوا وانا لم احمل بعد وبدا الاقارب بالسؤال و ازعاجاتهم الحمد لله على كل حال
المهم ذهبت الى دكتورتي و طلبت فحص السائل المنوي لزوجي وقد ذهب زوجي الى مختبر بمستشفى (المستشفى ليس 5نجوم) وكانت النتيجة انه لا يوجد مشكلة عنده وهذا سبب في تاخر علاجنا لانه لم نجد مشكلة من اصله لحل الموضوع ...بعد مرور سنة و ثلاث اشهر من زواجنا قام زوجي وباعادة فحصه لكن بمختبر ممتاز في مستشفى معروف و تبين الحركة والسرعة والعدد ضعيفه جدا وعند عرض النتيجة على الدكتور المسؤل صدمنا وقال انه لا يمكن الحمل بهذه الارقام ... كانت صدمه بحياتي ومع ذلك طلب الدكتور اعادة الفحص للتاكد وبعد يوم ذهبنا لاخذ النتيجة وكانت كالسابقة من حيث الارقام و العدد والحركة ...اقترح علينا الدكتور ان نقوم بعمل تلقيح صناعي وبعد البدا باخذ الادوية وقبل التلقيح بيوم فكرنا انا و زوجي باخذ راي دكتورة ثانية على موضوعنا وهي دكتورة شااااطرة كتير و انسانية لابعد الحدود و متخصصة بهاذي الامور
بعد المعاينة قالت الدكتورة انه حتى التلقيح الصناعي ما رح يزبط معكم لازم اطفال انابيب لانه التلقيح لازم يكون عدد و سرعة معينة وهذه الشروط لم تتوفر
انا عن نفسي ارتحت للدكتورة واستمريت معها وقالت لي بما انني بدا بخذ ادوية التلقيح فنلقح لكن ما تتاملوا كتير يعني ممكن حمل بس اقل من 5% ووافقنا انا و زوجي لانه صرنا ماخدين العلاج وما رح نخسر شي انه جرب مره تلقيح
يوم التلقيح كنت خائفة من كلام النت انه يؤلم لكن الدكتورة طمنتني وقت التلقيح كنت مو مسترخية وشادة على نفسيى كتير وهاد سبب في الالم لكن خوفي و كونها اول تجربة لي بكييييت كثيرا و الدكتورة صارت تهدي فيه وانا ببكي ( هههه بس اتذذكر هاد اليوم بضل اضحك ع حالي) الفكرة انه مو مؤلم بس لانه شديت كتير ع نفسي فتالمت وخرجت على زوجي وعيوني حمر من البكا نظر زوجي لي وحضنني بشدة وانا ابكييي
المهم بعد مرور اسبوعين وقد حان موعد الفحص ذهبنا الى المختبر انا و زوجي و كان نفسي يحكيلي في حمل مشان ما اعمل اطفال انابيب و ارتاااح بس للاسف كان سلبي وفش حمل حمدنا الله وخرجنا انا و زوجي وفي بالنا انه الشهر الجاي نرجع نبدا باطفال الانابيب
مع بدا الدورة ذهبنا للدكتورة وبدات ببرنامج اطفال الانابيب و من منشطات و ابر تحت الجلد وفي يوم السحب لازم بنج كامل زي ما بتعرفوا وكانت امي و زوجي معي ( علما انه ما حد بعرف بكل موضوعنا ومشاكلنا الا امي و امه لانه بحس بهيك امور مو لازم كل العالم تعرف )
كنت اول مره بدخل غرفة عمليات بحياتي و اجواء الغرفة عبارة عن فلم رعب بس الحمد لله اعطوني البنج و ماصحيت الا امي و زوجي معي بالغرفة و طأمنتهم الدكتورة وقالت انه اخرجت 8 بويضات ...الحمد لله
بعد يومين اتصل المختبر واخبرنا انه تلقح 5 بيوضات وعند مقابلة الدكتورة اقترحت ان نرجع 2 ونجمد ال 3 الباقين
يوم الارجاع كنت اقل توتر من يوم التلقيح فلم اشد على نفسي و فعلا شعرت انه اقل الم وانه خلص تعودت على الموضوع علما انه (تم البطة) مو مريحة ابدا، استلقيت على ظهري نصف ساعة وخرجنا بعدها و اخذت اسبوع راحة من عملي وبقيت بالبيت اسبوعين بحركة خفيفة جدا و لم اخرج ابدا من بيتي و لم اشتغل شي كان زوجي بس يروح من عمله يبدا بامور البيت على امل انه تنجح العملية
يوم الفحص كنت ادعي الله كتير انه تزبط و كنت متفائلة وبعد ما عملنا الفحص (ايدي كانت ترجف) فتحت الظرف و طلعت النتيجة اقل من 5 يعني ما في حمل و كل هالتعب راح هيك
طبعا انا صرت ابكي و انقهرت كتير وحتى اطفال انابيب مو زابطة شو بقي حلول نعملها !!!
زرت الدكتورة بعد بيوم و انصدمت من النتيجة وكانت تحكي انه جدا متفائلة انها رح تزبط وقترحت بعدها انه ارجع الاجنة المجمدة بالشهر اللي بعده ع طول
طبعا انا وافقت بس بحكي انه الاجنة الفريش ما زبطت ف اكييييد المجمدة ما رح تزبط
طبعا برنامج الاجنة المجمدة كتير اسهل من الطبيعي لانه ما بحتاجوا ينشطوا البويضات ولا في عملية سحب
يوم ارجاع العملية كنت كتير ريلاكس وصرت خبرة ب (تم البطة) بطلت اتالم منها عادي :)
وبقيت مستلقيه لاكثر من ساعة واحاطة يدي على بطني و ادعي من قلبي
يوم الفحص طبعا امي و ام زوجي كانوا بنتظروا اتصالنا و بدعوا الله انها تزبط
انا ما كنت متفائلة ابدا خاصة بعد فشل عملية الشهر الماضي
دخلت على المختبر و اخد عينة دم و خرجنا انا و زوجي بالسيارة نلف فيها (طبعا الساعة حسيناها عن 10 ساعات ) لما حان الوقت قلت لزوجي انه هو يروح يجيب النتيجة انا ما بدي انزل من السيارة وافق زوجي و نزل وبعد دقائق و انا عيني على باب المستشفى رايت زوجي وهو بمسح عيونه انا بوقتها مو عارفة انه دموع فرح ولا حزن وبس على لساني يا رب يا رب وصل زوجي ودخل السيارة و حضنييييي و بحكيلي اه زبطت انا انصدمت بحكي شووو؟ اكيييد؟ بحكيلي اه انتي حامل ، ما بتذكر اني فرحت بحياتي قد هاي اللحظة الحمد لله على كل شي و ع طول رنيت ع امي و امه وخبرتهم وانبسطوا خلال 5 دقائق وصلنا يمكن 100 اتصال تهنئة هههه
للقصتي بقية