من لديها النصيحه او حتئ الدعاء لاتبخل علي ❤

[منووو،،]

السلام عليكم ورحمة الله وبركاته

انا عضوة جديد يعلم الله اني اتابعكم من فترة وسجلت بس تو تفعلت عضويتي !
بنات انا اجهضت ثلاااااااث مرات وكل مرره يتقطع قلبي اكثر الحمد لله علئ القضاء والقدر والله اكيد كاتب لي الخير
انا مريضة سكر واراجع ف الحرس بس من تزوجت طردوني الحرس بحكم وظيفة زوجي اخذ انسولين من عمري سنتين
اول حمل قالوا لي عندك تكيسات وهرمون الذكوره مرتفع واصل 5 والدورة مو منتظمه كانوا يقولون هذا السبب بعد الاجهاض سويت التحاليل الازمه قالوا مافي تكيسات حملت ثاني وسقطت مع العلم ان كل الاجهاضات ثاني شهر يقولون النبض يوقف حملي الاخير الي اللحين هرمون الذكوره نازل واصل 3 قالوا لي طبيعي ووو سمعت نبضه علئ 6 اسابيع وماتدرون قد ايش فررحت انجنيت
ومن عرفت اني حامل عطتني الدكتوره ابر الكليكزان واسبرين وتحاميل سايكلوجست ودفاستون وسكري منتظم جدا يارب لك الحمد لدرجة تخيلوا عايشه ع البيض والحليب وقطعه توست بر منتظم الحمد لله قبل اسبوع نزل علي دم وانتوا بكرامة رحت الدكتوره وطمنتني وقالت فيه نبض وسمعت وكآني سمعت احلئ خبر بحياتي
المهم قبل ايام رحت بشوف وين وصل نمو حبيبي فجعتني الدكتوره وقالت النبض متوقف من ايام تخيلوا طلعت وانا ولاكلمه ماغير اردد انا لله وانا اليه راجعون ماعرف وش السبب ! تعبت وانا انتظر اسمع طفلي يصيح بحضني ماتدرون كيف ندفع الاف بالمراجعات والحمد لله ماتدرون ان بعد زواجي انتظر الحمل انتظااااار واخترت اسامي وكل شي وف حملي هذا مااتحرك بس ع السرير سورة البقره يوميا اذكاري رقيتي مااخليها

قبل اشهر راجعت حرمه تعالج قالت مافيك شي الي فيك عين !
لكن الله اقوئ من كل شي

الي عندها معلومه اي شي تفيدني
سؤالي انا موقفه ابر الكليكزان والاسبرين وكل شي هذا ثالث يوم تقريبا هل لاقدر الله يحصل نزيف لو شربت اعشاب وكذا عشان ينزل الجنين يعني كم ياخذ مفعول المسيلات تقريبا
ينزل معي افرازات بنيه مااشوف دم



والله يرزقني ويرزق كل من تتمنئ الاطفال بأطفال يغيرون حياتها للافضل يارب ياااااااااااكريم