ضيعت بيتي واخاف يضيع زوجي من يدي

[ولاية انديانا]

السلام عليكم

انا عضوة جديدة انضميت لكم ، كنت اتابعكم بصمت وفي الخفاء

الين قررت اني انضم لكم ..

انا مدري ايش اكتب احس اني ضايعه ضيعت بيتي وجالسه اضيع زوجي

وحام واكرررة الطبخ. الكشنه واللحوم وريحتها

ودايم الإستفراغ ملازمني أكل مستحيل آكل وجبه ياتمرتين او حبه توست ، كرهت العلاقه الخاصة، كرهت اطبخ مابغى انظف احس بوهن وتعب ، صلاتي سرت أأخرها واذا صليت مدري وش اقول مو مركزة فكري موًمعاي

صداع يجي يفك راسي ويروح ، مغتربة ووحيدة والبرد ذبحني ،

رجولي ويديني مليانه شعر ماقدر اشيل اهملت نفسي ب الحيل ��

هذا حالي ، لايقدر زوجي يدبر نفسه من مطعم لأن اكلهم مو حلال

ولاني قادرة اطبخ واذا طبخت اتلثم واستفرغ وكل يومي كئيب من ريحة الطبخ

موقادرة اراعي حق الله فيه واعطيه حقه الخاص ..

مليت من حالي ، وتجيني هواجيس كثيرة والوم نفسي اني ليش تزوجت ، وليش اتعب وهو مايتعب
وليتني عند اهلي ..!

انصحوني خلوني اصحصح وافوق .. ��