الحمل الغزلاني

[أم ياسمين]

أنا حملي من هالنوع أول ما يصير الحمل في موعد الدوره ينزل بني و اشويه أحمر أنا أحط في بالي أن الدوره بتنزل لأن موعدها بعدين توقف انطرها انطرها ما تنزل بعد فتره يبدي الدم ينزل و مو بسيط لأ دم وايد سباحه و يستمر ما يوقف ينزل أحمر غامج و بكميات كبيره في حملي الاول استمر لي الشهر الرابع و في هذا الحمل استمر لي الخامس .
في حملي الاول خفت و رحت المستشفى من كثر الدم قلت اجهاض خلاص بس سوولي فحوصات و سونار كل شي طبيعي الحمدالله و المشيمه مو نازله والرحم تمام والبيبي تمام ويبت بنتي عادي.
في هذا الحمل اول ما نزل دم اشوي و وقف ثاني يوم ما نزل شي كلش مع ان وقت الدوره رحت شريت تحليل حمل من الصيدليه و طلعت حامل الحمدالله و لمن نزل الدم الوايد عشان اتطمن سويت تحاليل كل شي طبيعي فخلاص اتعودت .
وخالتي قالتلي ان اهي في كل حمل لها نفس الشي.
بس السالفه مو سهله لأن الدم ما يعتبر دم دوره لأنج حامل لازم تتسبحين كل يوم و تتسبحين قبل كل صلاة و ما تصلين صلاتين بوضوء واحد يعني أحكامها صعبه اشوي و اتعب وايد