قصة حملي ........احذرو يآبنآت

[مبسم الروح]

السلآم عليكم كيفكم حبآيب قلبي بقولكم قصتي من اول لآآخر من واآنآ عروس

اول مآتزوجت مآكآن خاطري بالعيآل وكنت اقوله بالملكه بنقعد اربع سنين مانجيب عيآل

صدق اني وقحه وغبيه وهو يآحليله يجآمل كان يبي عيآل..المهم تزوجنآ وكنت رآفضه

عيآل وكنآ نسوي عزل عشآني يآحليله كيف كآن يجآمل المهم بحكم ان اخذت 5 شهور

معه ثم رحت لآهلي اكمل درآستي عشآن كذآ مآحملت وبعد شهراشتهيت الحمل

وقلت له خلآص انآ موافقه نحمل ..يآحليله استآنس اذكر من ونآسته رحنآ لمستشفى نحلل
ههههههه...المهم نقلني زوجي لديرته اخذت شهر ثم حملت

يعني كملت سنه كآمله ثم حملت وجبت ولد حلو يشبهلي

المهم اكلت حبوب منع حمل اسمهآ جرآسيآل حلوه مآسمنت الي سببته لي انهآ خلتني عصبيه

المهم دخلت الكليه واخذت حذري اني مآآحمل ...الحمدالله كنت والله مهتمه مررره له

صح من اعرآضهآ بعد اني اقوم الصبح تجيب لي غثآء لزووم اطرش افرآزات المعده

كنت آكل حبه حبه بوقتهآ بعد فتره انسى يوم واتذكريوم وبعدهآ انسى اربع ايآم هع

المهم حتى اذآ تخآصمنآ ورحت لآهلي اوصي اخوآني يجبونهآ لي

اخذت على هآلحال سنتين ونص

لمآ جات الآختبآرات النهآئيه قلت ليه مآتتركينهآ تريحني من التطريش

كلهآ اسبوعين ثم ارد لهآ ... اكلت بس 4 حبات بعد الدوره وتركتها
مدري وش فيني سيبتها قلت اكيد بتعطي مناعه مثل مايقولون

وكآن زوجي يجي يومين لثلآثه لبيت اهلي وووو

احيآنآ اذآ جاني اكلهآ يجيني خوف مو طبيعي

وكملنا شهر وشريت الفوط وجتني الآلم الدوره واستنى وآستنى

جآني دم لونه وردي بآهت استآنست حييييييييييييييييييل

وانقطع ومآعآد جتني

صآرت مشآكل كرهت بيتي صرت مآآكل مآفكرت اني اكون حآمل ابد

رحت لآهلي حسيت الوضع تغير آكل واسولف

ولمآ جيته قلت شكل فيني عين كرهت بيتي

الوضع صآر دمآر....مدري كيف طرى علي احلل تحليل منزلي

جاب لي زوجي ووحلت طلع خطين بظحك ببكي جتني صدمه

مآتتخيلون وش صآر لي

جتني وسآويس انزله دامه بالشهور الآولى ..
حرآم ورآي مشوآر طويل بالكليه

كيف اجيب بزر اذا ولدي اهلي يالله يالله

مستحمليه كيف ورع صغير بالدقايق يبكي

المهم تذكرت وحده من القرابه سقطت ولدها

وصرت اقلدها اركض وانقز واشرب اعشاب >سبحآن الله

مآكنت اخآف من الله

وصآر عمره شهرين ونص ومآنزل

وفجآءه قمت من النوم وشيكت الآ في دم

والله كان شعور غريب فرحه على خوووووف شديد

المهم قعد يوم ورآح

ورحت المستشفى قآلو كل شي سليم

وسألت عن النبض قآلو تمآم

رآحت افكآري الي حآطتهآ وطموحآتي صرت افكرر كثيير

وشآيله هم كل شي كرهت حآلي...خآيفه اذآ جبت النونو وش يصير

وخايفه من الولآده كيف بتصير آخآف اولد بآلآختبآرآت

يآكثر تفكيررآتي

وبعد التفكير ايقنت هآذآ كله قضآء ربقي سبحآنه وتعآله

ليه نعترضه غيري يتمنى رجول طفل

الحمدالله تغير حآلي بس لآزالت التفآكير في بآلي

ادعو يآبنوتآت

ان الله يسر حملي ويرزقني الطفل المعآفا واني اكمل كليتي وانجح بموادي

والنونو يتيسر امره

موضوعي كل الهدف منه :

اني انبه البنآت الي مآيبون يحملون لآيتركون حبوبهم لو ايش

لين الوقت الي تبيه

ومن قآل ان الحبوب تسبب منآعه
هآذ انآ حملت على طول بعد الحبوب بآقل من شهر


والنهآيه ان شآء الله مآغثيتكم بموضوعي

الله يوفق الي ترد علي ويسهل دربهآ