نفسيتي مره تعبانه انصحوني

[شوشو1990]

هلا أخواتي
انا جايه اشكيلكم الي بقلبي الله العالم اني تعبانه مره ونفسيتي تعبانه انا بكريه والحين ماخذه من العاشر اربع ايام وللحين ما ولدت وكل ما أروح عياده وتسويلي كشف تحصله بس مفتوح 2 سم وهذا الكلام قبل أسبوعين وما صار اي توسع وما عندي اعراض ولاده وعندي حكه ف بطني حساسيه خذيت دوا بس ما فادها ورجولي منتفخه لدرجه ما اقدر امشي زين أحس مثل الإبر ف رجولي لما امشي تعبت نفسيا مافي شي ما سويته بس التوكل ع الله ف الأول والأخير وكل عائله زوجي وأهلي ينتظرو ويترقبو ولادتي بفارغ ال
صبر لدرجه يرسلو لي مسجات واتصالات وكله أسئلة أحس صرت ما انام الليل كله تفكير افكر ف حالتي وف وضعي وخايفه ع البيبي وأمي ما تخليني أروح المستشفى الحكوميً قبل ما يجيني الطلق تخاف يعذبوني وانا خايفه نهايتي تكون ع طلق صناعي او عمليه والله تعبت م التفكير وجالسه بس ف بيتي ما اريد اشوف اي حد تجنبا للاسئله بس اطلع مع زوجي وغيره لا ايش اسوي تعبانه والحمدلله الحمدلله كثيرا
الي عندها نصائح تفيدني الله يجزيكم كل خير