قصة ولادتي بالعسوله ريما ،،،

[برءاة أنثى]

السلام عليكم ..
مرحبا كروشات كيفكم ..
اليوم حابه احكي لكم قصة ولادتي بس بحاول اختصر عشان ماتقولون عني بثره ههههههههه

طبعا أنا عندي بنوته من قبل والمره هذي جبت
بنوته كمان والحمدلله كلهم نعمه من ربي ..

حملي هذا كان جددددا متعب هذا غير الثقل
وقلة النوم ووووو تعرفون ما يحتاح وطوال فترة
حملي كنت شأاااايله هم الولاده رغم أنه ف بنتي البكر كانت ولادتي سهله الحمدلله بس مدري ليه جاني هالخوف لدرجة لما دخلت التاسع صرت كل يوم أفكر وابكي حتى زوجي وترته معي المسكين ..

المهم نبدأ ..
جتني الام في الليل بس ماكانت قويه مره طنشت وحاولت أنام لأني كنت راجعه من سفر مسافة تقريبا 3 ساعات ف الطريق ،، استمر معاي الألم طوال الليل وعلى إلساعه 6 الصباح خلاص ماقدرت اتحمل الألم.. صحيت زوجي وقلت له تعبأنه قال متأكده أنها ولاده قلت مدري قوم وبس هههههه وكان الطلق كل 5 دقائق ..

المهم حاولت إشيل نفسي وقمت جهوت إغراضي واغراض بنتي واتصلت على أمي عشان أخذها معي للمستشفى..
طلعنا ف السياره ومرينا بيت أهلي بسرعه حطيت بنتي واغراضها عند خواتي وسلمت عليها وجلست أبكي وبكيتهم معاي ههههههههه فلم هندي .. مشينا وفجاه كذا صار الألم كل 3 دقائق تقريبا وكلما له يزيدددد لدرجة قلت خلاص بولد ف السياره وكنت إستغفر كثيرر وادعي ربي يسهل ولادتي ويجعلها مثل شربة المويه ..

المهم على إلساعه 8 وصلت المستشفى دخلني زوجي من باب الطوارئ على طول جت السستر وتركض فيني لقسم الولاده أول ما دخلت جت القابله تسوي لي كشف من تحت وكنت شايله هم الكشف لأني مااطيقه ألم فوق الألم..
على طول قالت خلاص ولاده .. دخلتني غرفة الولاده وأنا من الرعب والخوف ماعاد قدرت أبكي حتى دموعي مدري وين راحت هههههههههههههه بجد ماقدرت والألم يزيدددد
شالت لي ملابسي ولبست قميص الولاده بالمقلوب خخخخخ الفلبينيه قالت مدام هادا مكلووووب قلت بنفسي يالييييييييل مو وقتك وأرجع واعدل القميص والألم خلاااااااااص

المهم طلعوني سرير الولاده {يأكرهي لهالسرير} لأنه قصير وأنا نحيفه كان جسمي كل شوي يزلق لتحت خخخخخخخخ إحراج لدرجة كلما تدخل ممرضه تقول مدام إنتا صغيرررر كيف ولاده .. والمشكله بعد ما يخلونك تأخذي الوضعيه اللي تريحك لازم أخلي أرجولي مدري كيف والمشكله أن التكييف كان على بطني وفخوذي حسيت اني أخذت برد فوق ألم الطلق ومن قوة الألم ماقدرت أقول لهم يخففوه شوي..

وبعدما خلاص أخذت وضعي على سرير الولاده وكل شيء جت الدكتوره.. طبعا دكتوره من المستشفى نفسها دخلت على طووؤول لبست القفازات حتى ما شالت عبايتها كشفت على مره وحده من تحت بعدين مأكملت دقيقه إلا تقول لي هي والقابله يلااااا دفي دفي البيبي بيطلع عاد أنا ماصدقت خبر لأني خلاااص أبي افتك وعلى طول جلست ادف وأخذ نفس وراء بعض والألم يزيد والضغط من تحت يزيددد .. وهما طول الوقت دفي دفي دفي .. وجلست إستغفر وادف وأقول يااارب .. سبحان الله بعدها على طووول طلع الرأس وسحبت بنتي على طووؤول وقضت لها الحبل السري وسمعت صوتها صغيروؤون وهي تبكي فديتها هههههههه ،،
وكملت الدكتوره شغلها مشيمه وخياطه وووووو،، ووقتها يا بنات صحيح تعب وألم وتحسين نفسك خلاص بس والله أنها لحظاات حلوووووووووه
لما تحسين نفسك جبتي بيبي وبيطلعونك بعد شوي وزوجك وامك ينتظررونك برا والممرضات
يباركون لك ،، يعني بجد إحساس مااقدر أوصفه غير للي مجربه هالشي..

والحمدلله على رغم خوفي طوال الحمل من الولاده والبكاء والتفكير رب العالمين سهل لي ولادتي .. لأني وصلت المستشفى 8 وولدت إلساعه 9 ياربي لك الحمد،،
صحيح تعب بس مع الدعاء والاستغفار وحسن الظن بالله تصير كلها تساهيل من الله سبحانه..

واخر شيء جلسنا طول اليوم اتصالات وتباشير وتبريكات من الأهل والقرايب وصديقاتي يعني لااااا يوقففف هههههههه ..

والحين لي 5 أيام من يوم ولدت ،، وسمينا البنوته ريما عشان يمشي مع اسم أختها راما ..

وهذي تفاصيل ولادتي مع تمنياتي لكل الحوامل بولاده سهله ميسره وتقومون كلكم بالسلامه يااااااارب .. وان شاءالله مااكون طولت عليكم
وكثرت كلام ،،

ولا تنسوا يأكروشات الاستغفاااار له مفعول عجيب بتسهيل الولاده سبحان الله ..