لكل مشتهيه ضمة طفل

[إباء الروح]

آآآآآآهـ ............اما انا حكايتي حكايه انا لي 6سنوات متزوجه عندي ولد واحد والحمدلله عمرو3 سنوات من يوم ماخرجت من الاربعين مااخذت حبوب عشان احمل تاني المهم انا ماحملت الابطلوع الروح وبعد الصغير يستهزء بيا قبل الكبير يوم كنا في عزومه جات اختي الصغيره وتقولي قدامهم كلهم ليش كلهم عندهم بزوره صغار يلعبو معاهم وحنا ماعندنا مالي جيبي من اي مكان ابغى العب زيهم هذا (1)
(2)
ولدت بنت خالتي طبعا تزوجت بعدي وعندها دحين 3 والرابع في الطريق المهم وروحنا نزورهاوسلمنا وجلسنا ومن جلسنا وهم طايحين دق دقا فيني ماشا لقطط بسرعه مع انها تعبت حتى انفتحت ومدري حتى الي انفتحو من اول ليله ماحملو على طول وانا اكبت في نفسي وماما تطالع يعني تقولي اتحملي.. وبعدها عادي جلسنا قهوه وشاي وقاموا لصلاه وانا صليت وجيت جلست جنب بنت خالتي واقولها كيف ماتعبتي ان شاالله وزي كدا وقالتي امسكي البيبي شويا بروح الحمام واجي وادي البيبرونه حقتو قلت طيب وراحت الحمام جيت حطيتها في فمو شكلها كانت حاره صرخ الولد ماعرفت اش اسوي ماقد جربت يعني خفت جات خالتي على صياحو وتسبسب فيني
ايوا تبي تقتلي الولد اصلا انتي من عرفتي ان بنتي حامل انحريتي والنغضطي وانا اطالع فيها مستغربه اشبها كدا عليا وبعدين كلهم حطو الوم عليا انا انا خلاص ماعد قدرت حبست حبست سكت كدا وجلست ابكي وبعدين خلاص ماعد قدرت اجلس ولا دقيقه عندهم كلمة ماما قالت ماني رايحه اخذت عبايتي وشنطتي وخرجت ومحد يدري عني دقيت على زوجي مارد وهوا في البيت اصلا وادق مايرد وعمري مااخذت تاكسي في حياتي الا ذاك اليوم قالي فين تبى يروح قلته الحي وانا شكلي كدا حزنان ماقدرت قعدت ابكي قالي اشبك مدام الله في فوق كدا هوا شيبه قلت مافي شي
قالي الله كريم الله كريم قلت انتى في بزوره قال ايوا12بزره4اولاد والباقي كلهم بنات قال كلو يشتغل عشان مافي فلوس كتير قلت انا مافي بزوه قال انتى لسى صغير قال انا كلو 5 مرررا هادا اتنين بيبي((توام)) خمس مرات جاب توام و2عادين بس بعد 14 سنه وبعدين وصلني البيت اعطيتو 100 ريال قال لا مدام كدا حرام قلت لا خلاص خد اخذا وطلعت عند زوجي وحكيتو وهداني وسبحان الله بس بعدها فترا اقل من بسيطه سويت تحليل وطلعت حامل
(3)
بعد ماجبت ولدي باسنه حملت سلفتي بثاني وهيا تزوجت بعدين رحت عندهم اسلم جيت اسلم عليها قالت مقدر اوقف عشان البيبي مجنيني قلت مومشكله تعب جربت وكانت ورا وحده من الجماعه مني فاكرتها وقفت ماكنها حاسه بشي قلت لها ماشاالله راح الوجع كلهم قالو صوت واحد طعني في قلبي الي يجرب مررا موزي الي مرتين
(4)
وموقف تاني مره كنت عند اهلي اتغدى قام ابوي يرميلي خس قدامهم يقول كولي عشان تحملي انتي موناويه تحملي وكلالالالالالام كتير
(5)والاخير
اخت زوجي اقرب الناس لي تدس عني انها حامل عشان ايه لا احسدها لسه ولدها عمرو 6شهوروحامل في التاني .............
والله تقهر ليش يسوفيني كدا انا اش سويت لهم معليش طولت عليكم بس نفست على الي نفسي والله يرزقنا الحمل في هدا الشهر الفضيل

ان شاء الله تفرحينا بحملك في هذا الشهر الفضيل ...
انتي تصدقي بنية الحمل وان شاء الله بتبشرينا .