كيف اقدر اكون سعيده بحياتي وهذا موجود

[سوزان الرياض]

السلام عليكم ورحمه الله وبركاته
اخواتي عندي مشكله مسببه لي كابه وكره للمجتمع حولي وماخذه مني الراحه النفسيه والسعاده
انا عندي اخت وحده شقيقه وعندي اخوات من ابوي
موضوعي انه اهلي واعمامي عايشين بطريقه مافيها سعاده كلها تفاخر ( هياط ) بالعاميه
يعني وين سافرتو ايش لبستي ايش سويتي
لازم بالاجتماع يكون لبسك ماركه غاليه وشنطتك اغلى وجزمك شي وااو
وتتظاهرين بالسعاده كل مره كذا
اقسم بالله ما اقولكم كذا لنقص في شكلي او فلوس لا الحمدلله
اقولكم كذا لاني مغبونه ابي اجتماع عائلي سعيده وحلا وقهوه واللبس اي جنز وتيشيرت زي الناااس
صراحه تربيت احسب الجميع مثلنا وكنت سعيده الى قبل سنتين
لكن شفت صور صديقاتي في الانستقرام عرفت انو هم عايشين حياه سعيده وبسيطه وجمعه الاهل شي محبب لهم
للاسف اختي طلعت اشد من المجتمع باللبس والاهتمام بالكمليات لدرجه ما نجلس نحكي مثل الخوات لا ابداا كل حياتها شوفي فلانه اشترت شنطه جديده فلانه سافرت لكذا فلانه سكنت قصر وتروح تسوي مثلهم اذا قدرت
انا اصابتني كابه شديده من هذا الموضوع
والله مافيه راااااحه بس شكل
احلم بمجتمع طيب ويحب بعض
مجتمع اروح له وانا سعيده وبسيطه
بدايه هذي الكابه حضرت اجتماع عائلي لصديقه عزيزه تعرفت عليها من النت فلسطينه وامها اردنيه ساكنين في الرياض
ايش اقولكم بساطه وطيبه يصبو لبعض القهوه ويضحكو بين بعض
ولا وحده سالت الثانيه ايش لبسك او شنطتك
تمنيت اني بنتهم اختهم احسهم براحه نفسيه كبيره
تمنيت اعيش بالاردن
بنان ساعدوني كيف اغير اختي ونكون بسيطات وسعيدات
لاني تعبت من المظاهر والنفاق