مشاركتي في مسابقة ان مع العسر يسرا قصة حملي بفضل الاستغفار

[غفران.]

قصه حملي بفضل الله ثم الاستغفار والالحاح في الدعاء
السلام عليكم ورحمه الله وبركاته


انا كنت اعاني من تاخر الحمل طبعا انا الحمدالله ماطولت كثير سبع سنوات
المهم خلال السبع وانا ادور من مستشفى لمستشفى ادور الحمل والحمدالله قالول لي سليمه وحده بس االي عندك ميلان في الرحم
ورحت للي يمرخون وحده قالت ايه فيه ومرختني بس ماكملت لانه ما جاز لي والسعر مبالغ جدا مقدم 1500 والمبلغ كامل 3000
مرخت مرتين والا كملت لانه ماجاز لي اول مره اشوف احد يمرخ بزيت عادي حتى ولا دافي ولاشي وبس خمس دقايق تمحس بطني وقومي فاتحسفت على 1500الي دفعتها ولاكملت
ورحت لوحده ثانيه قالت مافيك شي
على الرغم انه مستشفى الحبيب قالي مافيك ميلان الي قالته لي دكتوره في مستوصف
طبعا انا سويت التحاليل والي الاشعه كلها ولا مرتين
بعد ما كملت سنتين من زواجي سويتها كلها
وبعد ماكملت اربع سنوات ونص رجعت اسويها كلها من جديد
طبعا انا عدتها لانه معروف في المجتمع التاخير يجي من الزوجه والا الرجل مطهر مافيه شي كامل مكمل والكامل الله
للاسف هذي النظره
يعني انا الف من مستشفى لمستشفى ومن حرمه لحرمه واعشاب نتغصبها والله يرحم الحال
المهم بعد ماطلع كل شي سليم قالت الدكتوره لازم زوجك يسوي تحليل عاد هنا مربط الفرس
زوجي رفظ انا سليم وومافيني شي هذاني امشي قدامك مافيني الا العافيه

المهم جلست حول السنه رافظ يسوي تحليل اخر شي قلت شف اذا ماسويت تحليل انا من طريق وانت من طريق
انا الي علي سويته والباقي عليك وشف الناس بدت تتكلم واولهم اهلك
اذا سويت وطلع شي راح اسكت واصبر واجري على الله اما اذا جلست على هالحاله لاعلاج ولاشي لا راح ننفصل


المهم سوى التحليل في مركز الحبيب الطبي وهنا الصدمه ضعف شديد في العدد
2مليون فقط ولا بعد ضعف في الحركه والحيوانات اغلبها مشووهه وفيه صديد

طبعا هنا جن جنونه زوجي وقال اصلا مركز الحبيب فاشل ومختبرهم فاشل ومش دقيق واصلا يبالغون وودائم عندهم اغلاط في التحاليل ويبون فلوس ووووووو ومن هالقبيل والاعذار في المستشفى

طيب قلت عد التحليل عاد بعد شهرين من المحاولات عاد التحليل وطبعا قلت انت اختار المختبر او المستشفى الي تبي
وعاد التحليل في مختبر ثاني ونفس النتيجه


وبعد اقناع طويل راح للدكتور حمد في مركز
ودخلنا عليه وشاف التحاليل حقتي وحقت زوجي قال بعيد لك التحليل للزوجي وعاد
ونفس الشي ضعف شديد قال مافيه امل تحمل طبيعي لازم حقن مجهري حتى بعد ولا انابيب ذاك اليوم توني اعرف ان فيه فرق بينهم
ان الانابيب للي عنده عدد معقول اما الي مثل حالت زوجي لا لازم حقني مجهري لان هال2مليون حيوان منوي

مافيه صالح وزين الا يمكن 2 او 3 والباقي متشوه وغير كذا الحركه ضعيفه
طبعا زوجي قال لو تطبق السماء على الارض ما اسوي لا انابيب ولا حقن مجهري جلس الدكتور يقنعه ساعه بس
رافض حتى قاله يبي ياخذ العلاج منكم سنين طويله سو حقن مجهري يمكن الله يكت لكم منه واحد والا تؤام ووونسو اعماركم فيه وعالج على راحتك
بس زوجي رافظ
قال الدكتور اجل ماعندي لك شي بحولك على دكتور متخصص في علاج الذكوره وحولنا على البرفسور مراد معه في نفس العياده
وعطاه علاج وزوجي كان عنده اشتباه في الدوالي من الدرجه الثانيه
طبعا كان العلاج على 3 مراحل
كل مرحله 6 شهور
وانا طووووووووووووووووووووووووووووو وووووووووول هذي الفتره من قبل لا يبدا زوجي كشف وانا ملازمه الاستغفار وقيام الليل كل يوم بسوره البقره والالحاح في الدعاء كل سجده اسجدها سوان كان في فريضه والا نافله ادعي يارب ارزقني الذريه الصالحه
ربي لاتذرني فردا وانت خير الوارثين
اللهم ارزقني من حيث لا احتسب
وطبعا تركت التشقير الحواجب لانهم اختلفوا في الحكم وقالو يدخل تحت النمص والنامصه ملهونه قلت كيف ادعوا وانا ملعونه وتركته وتركت سماع الاغاني والعباه على الكتف
يمكن بتقلون مالها دخل بس انا ابي ادعي وانا مو مسويه شي يغضب ربي
وكنت بعد كل جماع ارفع رجولي على الوساده التي تساعد على الحمل شريتها من وحده هنا تبيعهاتها انا شريتها
ب200 وهي والا ماتسوى بالكثير خمسين طبعا شكل الوساده على شكل مثلث تقدرون تفصولنها عن حقين الاثاث انا لو كنت اعرف ان شكلها كذا فصلتها ولا شريتها

وطبعا زوجي مع العلاج كان ياخذ عسل من وداي النحل الي مخلوط معه طلع النخل وغذاء ملكات النحل طبعا الخلطه اخذتها من هنا من المنتدى وشريتها وصرت الحق زوجي مثل البزر اعطيه عسل على الريق والعلاج منضمه وقته وطابعه ورقه جدول انا صممته على حسب العلاج والوصفه وكم مره ياخذه وايام الاسبوع لمده شهر كل شهر اطبع ورقه جديده طبعا بتقلون ليش لاني عارفه طبع زوجي دايم مكذ بني فا علشان مايقول اخذت وهو ما اخذ اصرت اذا ااخذ احط صح لان فيه اشياء ياخذها 3 مرات في اليوم وعلاج مرتين

والحمدالله حملت في بدايه المرحله رقم 3
بس للاسف زوجي رفظ يكمل العلاج يوم شافني حملت وسحب على الدكتور والعلاج حتى والله كان شاريه وبادي فيه له شهر ونص وقاله الدكتور لازم تكمل الكورس هذي هرمونات مو لعبه تقطع على كيفك
زوجي طبعا رفظ ليه لانه سال الدكتور قال اذا كملت خلاص اصير ما احتاج بعدين اذا بتحمل في الثاني طبعا زوجي يفكر في الحمل الثاني وانا توني اتوحم في الاول
قال الدكتورله لازم تراجع واعطيك الكورس من جديد حمل زوجتك معجزه ماشاء الله تبارك الله
يعني اذا ودك زوجتك تحمل واعمر ابنك او بنتك سنتين لازم تراجعني وعمرها سنه او على الكثير سنه ونص لان العلاج يستغرق وقت لا يقل عن ست شهور
قال زوجي يعني لازم ارحعك وارجع للعلاج قال اجل مهوب لازم
فعشان كذا زوجي سحب على العلاج وانه يكمل الكورس وحتى العسل والله ما كمل العلبه طبعا هذي كانت رابع او خامس علبه


الخلااااااااااااااااااااااااصه يابنات
الزوموا الاستغفااااااااااااار وقيام الليل فسهام الليل لا تخطئ
انا اقولكم انا حملت بفضل الله ثم الاستغفار والالحاح في الدعاء وقيام الليل
كل مايطلع نتيجه زوجي وانه عنده ضعف اللح اكثر في الدعاء واستغفر اكثر
مركز ذريه استغرب من حملي وكيف الي في مثل حاله زوجي احمل طبيعي ماشاء الله تبارك الله
وكذلك مركز الحبيب لما فتح متابعه حمل عندهم ماصدقوا انه طبيعي قالوا اكيد انابيب

انا الحمدالله ولدت وجبت بنت وكانت ولادتي قيصري

يابنات ارجوا الي تستفيد من قصتي انها تدعي لي ان الله يرزقني بالولد السليم المعافى الكامل الخلق والخلقه
لان زوجي ميت يبي ولد
وان الله يشفي زوجي ويعافيه
والله يهدي بنتي ويصلحها ويطولي بعمرها ويخليها لي ويخليني لها
وان الله يفرج همي الي انا فيه الحين ويشفيني ويعافيني



منقووووول