شنطتك للولادهه:)

["ام تولين"]

بنات كنت اقرا بالمنتديات ولقيت هذا الموضوع ان شاء الله تستفيدوا منه

طبعا فيه اشياء موو ضروريه بسس شوفي اللي يلزمك واكتبيه عششان تتذكرينه^^
لا تنسووني من دعواتكم:)



هذي الشنط لازم تكون جاهزة من الاسبوع ال34 من الحمل:

هذي لستة الاغراض اللي احطها معاي في شنطة الطلق و الولادة:
عدد من المصاحف حق الناس اللي بيحضرون معاج و تكونين محددة فيها السور اللي تساعد على الولادة - ماء زمزم مقراي عليه هذي السور عشان تشربين منه و تمسحين على بطنج اذا تعسرت الولادة - ماء عادي مع كف مريم و زعتر تشربينه و انتي في طريقج للمستشفى -ملف يحتوي على أدعية الطلق و سور القرآن اللي تسهل الولادة تقرينه بين كل طلق و الثاني و نسختين من خطة الولادة Birth Plan اللي اتفقتي عليها مع الطبيبة و المستشفى- مأكولات خفيفة (تمر و مكسرات غير مملحة و أصابع الحبوب الكاملة Granula Bars و حلاوة مصاص Lolli pops - توست اسمر )-كاميرا تصوير و كاميرا عادية تكون مشحونة و شارية أفلام زيادة و الشاحن الخاص بها Charger- كريم اللانولين الخاص بالصدر للرضاعةPureLan100 و ابدا أستخدمه من الشهر الثامن على حلمة الصدر عشان ما يصير لي تشققات و الم لما أرضع - حشوات الصدر القطنية - مرطب الشفايف لانها بتنشف من كثر التنفس و النفخ - شباطة و طوق ترفعين فيها شعرج عشان ما يأذيج اذا كان طويل- قميص T shirt قديم كمه قصير و لونه غامق اذا المستشفى يسمحلج انج تلبسين ثيابج الخاصة - روب قديم لان قميص المستشفى مفتوح من وراء و تحتاجين شي يغطيج و يكون دافي - شبشب و جوارب صوف لان الحامل ممكن تحس بالبرد و الرجفة اثناء الطلق - كتب و مجلات عشان تشغلج و تشغل الشخص اللي حاضر معاج - زيت للمساج - مشغل سي دي و سي دي فيه قرآن او موسيقى هادية تهديج- كلسون الاستخدام الواحد Disposable Panty و اشتريهم بنفسي حسب قياسي لان المستشفى عندهم قياس واحد ممكن يضايقج اذا كان ضيق عليج - فوط نسائية حجم كبير و عالية الامتصاص و الخاصة بفترة الليل - فوطة صغيرة ممكن تستخدمينها وهي مبللة عشان ترطب وجهج و ثمج -ممكن تاخذين بخاخ ماي ايفيان ترشينه على ويهج و يبرد عليج اذا حسيتي بالحر- طقم للطفل ( لبس داخلي و لبس النوم مع القفازات و الجوارب و شرشف اللف )عشان اول ما ينولد يلبس شي نظيف و حلو.

هذي لستة الاغراض اللي ممكن تحتاجينها بعد الطلق و الولادة .. وهي بتكفيني 4 ايام ..
بالنسبة للبيبي:
8 ملابس داخلية تتسكر من تحت.. لانهم وايد يتوغون( يرجعون حليب) .. بيلبس 2 كل يوم واحد الصبح وواحد المساء- نفس الشي8 اوفرولات واحد الصباح وواحد المساء.. 4 قماط - 4 قفازات و طواقي - لحاف واحد - Bibs حق لما تطلعين الهواء من الياهل بعد الرضاعة( اتشعدينه) ..لبس حق الطلعة من المستشفى - فوطة متوسطة تحطين عليها الياهل 4 فوط صغيرة او اسفنجة حق لما تسبحينه لانج ما بتقدرين تسبحينه كامل لين ما يطيح السر.. و ملة احط فيها ماي دافي تم غليه.. عشان انظف عيونه ووجهه.. خذيت معاي كريم الجسم و زيت و شامبو و رغوة كله حجم صغير اللي ينج في شنطة صغيرة من مذركير او من بيجون - كور قطنية حق تنظيف الوجه - بامبرز حجم المولود الجديد و محارم مبللة من سيباميد - و كريم حفاظ بالمرز بزبدة الكاكاو

للأم:
8 ملابس الاستقبال ( دانتيلات على قطع ويل مع شيل)-4 قمصان نوم ليل او بيجامات تكون مفتوحة من جدام حق الرضاعة -شنطة الحمام( فرشاة اسنان و معجون - مشط - مزيل رائحة العرق - كريم للجسم - شامبو و بلسم و جل الستحمام) طبعا لا تستخدمين عطور او دخون هالفترة عشان ما تكون قويه على الياهل و عشان يتعرف على ريحتج - شنطة العناية بالبشرة ( كريمات الليل و النهار عشان ويهج يكون منتعش)- شنطة المكياج ( درجات البني و الوردي عشان تسوين مكياج خفيف لما ييونج ضيوف)- شنطة الاكسسوارات ( شباصات - شغابات - خواتم و اللي حبين تلبسينه بس ما يكون ذهب عشان ما ينصرق) -جراجة التيلفون Charger و كاميرا الفيديو و الكاميرا العادية مع افلام زيادة حق التصوير- مشغل سي دس معسي دي قرآن او موسيقى هادية - ملابس داخلية للاستخدام الواحد علبتين او اكثر حسب حاجتج - فوط نسائية علبتين او اكثر الخاصة بالليل- حشوات الصدر اللي تمتص الحليب - 4 تنانير داخلية- 4 سراويل - 4 صدريات الخاصة بالرضاعة -2 فوطة للشعر -2 روب الاستحمام -4 فوط للوجه - سيشوار صغير مع فرشات اللف عشان ترتبين شعرج - ملح عشان تغسلين الخياطة و طشت اذا ما عندج حوض في حمام الغرفة علشان تجلسين فيه مع ماي دافي و ملح ...






م/ن


واللي حابه تضيف ششيء من عندها تتفضل وبكون شاكرررره لها^^