زوجي يسألني عن أمور النسآء الشخصية !!

[مــون حــبــيــبــي]

أحيانا يكون الغلط غلط أخواتو ، يعني زي ما بتقولي يحكوه فلانة لونها كدا وصابغة كدا ولابسة كدا ، زي كدا بالزبط أخوات زوجي لدرجة أوقات أنا أكون جالسة وأستحي هما 4 بنات و3 أولاد بينما أنا عندي 6 أخوان ولا قد أحد قاللي إيوا ما عليكِ صلاة ومعاكِ الدورة ويستهبل لا أبدا مع إنهم حبوبين وعادي مو رسميين معايا بس في أشياء ما ينفع الرجال يتكلمو فيها ، لكن زوجي زي كدا بالزبط زي ما قلتي يتكلمو معاه أخواتو ويقول إيوا معاكِ الدورة ويمزحو في دا الموضوع يعني أشياء أحس عيب إنو يتكلمو فيها ..
لكن ع المستشفى والدكتورة أنا زوجي كدا فضولي جدا لدرجة مو بس يسأل ع الدم كتير والا قليل يقول بأشوف بس ما أوافق ، دا أنا أحسو عادي فضول ولنا الله نتحمل قلق فضولهم زي ما يتحملونا ، وأكيد كمان قلقان عليكِ لكن المواضيع اللي يوصف فيها بنات ويتكلم عنهم دي اللي تنرفز وإنتي نبهيه وكمان لا تديه وجه لمن يشوف كدا مرة على مرة يبطل إن شاء الله وادعيلو بالهداية والصلاح ..
الله يعينك ويعيننا أجمعين وقولي الحمد لله شفتي وحدة من الردود قالتلك زوجها سأل الدكتورة متزوجة أو لا دا اللي منجد كمان يقهر ..
* مالنا غير الله جميعا ..