ماتت بنتي فرحتي

[karaz]

السلام عليكم
انا بكتب لكم يا بنات و الحرقة في قلبي
قلبي يعورني انا اتعذب
هذا حملي الاول بعد سنة زواج كنت طايرة من الفرحة انا و زوجي
الحمل كان كويس و كنت متبعة بالمستشفى من بداية حملي و كل شي كويس
بعد ما وصلت للاسبوع 28 رحت للمستشفى كل شي تمام النبض كويس و سويت اشعة كويسة
بعدها بيومين صرت ما احس بالحركة و قلت اروح اطمن و انا اقول قلة الحركة من الرحم صار ضيق عالجنين
مو من شي ما كنت متخيلة انه فيه شي
و بعد الكشف اكتشفت ان الجنين ميت من غير سبب قدر الله و ماشاء فعل انا لله و انا اليه راجعون
كانت بنت و كنت طايرة من الفرحة لما عرفتها بنت و ابوها اكثر فرحان بيها جهزت لها كل شي وردي و انا احلم كيف امشط شعرها و شو البسها
حولوني لقسم الولادة و شفت ثلاث ايام عذاااااب من الطلق الاصطناعي تعبت نفسيا و جسديا
لي الحين عشرين يوم و لا قدرت انساها ما شفتها شفت شعرها من خلف و حتى هالنظرة ما قدرت تفارق مخيلتي
قالت لي حماتي انها شافتها كاملة ما فيها شي و تشبهني حرمت اشوف نفسي بالمراية لاني اذكرها
ادعولي الله يعوضني و يصبرني لاني حاسة اني بفقد عقلي بكثرة التفكير ما افكر في شي غير فيها
اللهم اجرني في مصيبتي و اخلفلي خيرا منها يا رب صبرني