لا تنسوني من دعائكم بشهر الخير (ضاقت فيني الدنيا)

[فوفاا]

صباحكم خير ....

* بآركووووووووولي انا حامل >>>>>>>> هالجملة كم وكم تمنيت اقولها لأهلي وناسي وحبايبي وزوجي قبل الكل...
والله احب الاطفال واموت عليهم أولاد اخواتي بالدنيا كلها عندي ...
ليه من زواجي سنه... بنظر غيري بدري .. بس الى حول الوحده ما يريحونها ...
السنه هدي كل شهر انتظر احمل وادا تاخرت الدورة .. تحليل دم طوالي ..
ورحت لممرختين ..
كله عشان خاطري احمل ..
وزوجي مثلي .. بس من يشوفني متكدرة يصبرني ..
طبعا قبل شهر ونص قلت نروح نعمل تحاليل و وافق ...
ورحن لدكتو ة وو بدأت بتحاليلي غدة وهرمون طلعت نتيجتي ارتفاع بسيط بهرمون الحليب وبس ..
ما عطتنى شي ..قالت انتظر لدورة الجاية .. وما عجبتني وما ارتحت ..وما كملت معاها..
انشغلت بفرح اخوي و انتهينا ..
رجعت مره تانية لسالفة الحمل وجلست ابحث عن افظل دكتور ...
وخلاص حجزت موعد .. بس طول الوقت اصيح خايفة مدري ليه كأن حاسه بفتح على نفسي باب من الهم ..
وزوجي يصبرني .. انا راضي فيكي مهما كانت النتيجة .. كله بيد ربي ..
رحت العيادة ودخلت للدكتور .. قلنا له اول مره نسوي تحاليل زواج ..
فتحت ملف عنده وطلب مننا تحاليل ليه اسويها اول واليوم التاني استلمها مع زوجي ادا عمل تحليل لازم الصباح ..
طبعا نفس التحاليل غده وهرمون ...
طلعت وانا بعد اصيح .. وخايفه ...
انتهينا ...
اخد وا من زوجي العينه ولازم نص ساعه ..
بعدها دلخت للدكتور .. بداء بنتيجتي .. هرمون مزبوط غده مزبوطة ... بس عندي بداية تكيس ..
رجع لنتائج زوجي .. بس كلمتين قالة .. ما عندك حيوانات صفرررر ...
بكل بروووود ..
زوجي ولا كلمة .. مصدوووووم ...
طلب من زوجي فتح ملف وتحليل هرمونات ...
مدري كيف اوصف لحظة الصمت و الهدوء الى بالمكان محد سأل شنوو يعني مافي حيوانات شنو السبب شنووو المشكلة ..
لمن وقف بيطلع خلاص عنده عملية .. سألته دكتور انا مالي شي حق التكيسات .. طالعني بنظرة وقال اش الفائدة و زوجك ما عنده حيوانات ..
يعني خلاص انتهت كدا السالفة .. يعني لدي الدرجة ما في امل انحكم علي كدا ..

ما اوصف شنوو كان احساسي وكيف وضعي وانا طالعه .. بس اصيح ..
وزوجي ولا كلمة .. وصلني البيت وراح ..
مرت ربع ساعه ورجع حزت صلاة الظهر ...
دشيت عليه يصلي و يصيح .. هالمنظر خلاص .. كرهت عمري بعده ...
كل شي بيد ربي ...
والحمدلله على كل شي .. بس معتقد فيه بنت ما تتمنى انها تصير ام وتكون عندها عائلة ..
زوجي تغير بعد هالسالفة .. صار يشغل نفسة بأي شي ..
يرد البيت ينااام ... بس ...
نفسيا... ولا شي بس ساكت و كاتم ....
وانا ما اعرف .. مرحلة وبتعدي .. بصير متبلدة ما بتأثر خلاص ... اسلم امري ..
اتمنى تدعون لي بظهر الغيب ..