تجمع الحوامل اللي موعد ولادتهم بإذن الله شوال 1434هجري

[ام زاز]

صباح الخير كروشات كيف الجميع يلرب تكونو في اتم صحه وعافيه
طبعا جاسه امر في اللي مرت فيه قموره حرقة المعدة ماخلتني انام بس انسدح تطله الحرقه الين حلقي الحمد لله رب العالمين
يقين كيفك ياعسل مارضيت تكتبلي ملين بجرب دحين الطريقة اللي قالتلي عليها قموره اشرب ماء على الريق والحمد لله
ساره ياهلا وسهلا فيكي بيكي بيننا اخت عزيزه وغاليه وموشرط حبيبتي تكملي التاسع انا في بكري ولدت في 37اسبوع وبالتسبة للشمس عدم التعرض لها الخوف نن انو يجي البيبي صفاري بعد ماينولد وربك يستر
قمورة هلا ياقمر كيفك ياحلوة ايش اخبارك الف الف مبروك دخولكم الثامن انتي وزهرة ويارب يتمم لكم بخير وعقبال التاسع وعقبال التاسع والولادة وعقبالي يارب انا وباقي الكروشات والله يتمم لنا جميعا بخير ويقر اعينا بولادة اجنتنا واحنا وكل من نحب في اتم صحه وعافيه
اي الحمد لله خلصت اغراض البيبي باقي واخذت قميص من واحة الجلابيه يعني اغراضهم لا باس بها بس تحصلي احسن من كدا وباقي لي بجايم وكم قميص ولغراض النفاس ان شاء الله بكرا ولا بعدة لطلع اخلصهم
وبالنسبة لولدي ان شاء الله على اخر اسبوع في شوال اقضيله اغراضه
انتي طمنينا عنك وكيف بنوتتك
راما مبروك التجهيزات لبس العافيه يارب
والبنات اللي ماجهزو يشدو حيلهم ويخلصو قبل الثقل

راما بالنسبة للضيقه ترى وضع طبيعي انا اقلق ايش سببه حسب كلا دكتورتي وزوجي البطن لما تبدء تكبر تضغط على الحجاب الحاجز والمعدةوبمجرد الضغط على المعدة نن اعراضها الضيقه وضيق النفس وتحسي قبلك مخطوف او عندك زي الفجعه وتبكي من غير سبب ويصير خلقك ضيق منتي طايقه ولااحد حتى يتكلم معك وتصيري عصبيه وممكن تصاحب هذي الاعراض الم او من غير الم انتي بس شوفي اذا ثقلتي في الاكل تحسي ببعض هذي الاعراض الله يكتب لنا الاجر ويعدي لنا الفترة الباقيه بخير وسلام