السلام عليكم ورحمة الله وبركاته
حاقولكم على قصتي وحابة استفيد من خبراتكم لاني اول مرة احس اني في حيرة كبيرة
انا عمري الان33 وقبل يومين دخلت ال34 وزوجي عمره41
لنا عشرة سنوات زواج وما حصل حمل جربنا كل شي الا اطفال الانابيب لانه كانت ظروفنا ماتسمح ابدااا نسويها وكنت لمن اصلي الخيرة تتعقد جدا العملية ونبطل منها
انا الحمدلله كل اموري تمام لكن طلع عندي ورم في الغدة النخامية ورم حميد وماثر على الغدة الدرقية وحاليا باستخدم العلاجات وظبطت الهرمونات
المشكلة كانت في زوجي ضعف في الحركة واكتشفنا قبل6انه معاه دوالي مع انه كشف كم مرة قبل كدا وماكان يبان شي بس سبحان الله دكتور شاطر اكتشف اانه الدوالي عنده من الدرجة التالتة وعمل العملية وبعد العملية بتلاتة شهور او اربعة حملت وماكنت اعرف اني حامل ومع الاجهاد اجهضت وجاتني الدورة بعدها باربعين يوم ولمن جات الدكتور عملي تنشيط وتلقيح والمهم مانجحت مع انه كل شي طبيعي وممتاز
الان انا في حيرة من امري الدكتور يقولي سوي حقن مجهري خلاص
وانا شايفة العمر بيجري
ونفس الوقت طالما حصل حمل بعد عملية الدوالي طمعانة في كرم ربنا انه يحصل تاني طبيعي
اللي مخليني شايلة هم الانابيب انها في مدينة تانية وخايفة انها كمان تفشل واتحطم معنويا ولا اتحمل الصدمة
الله يسعدكم بحسب خبراتكم ايش تنصحوني محد حيفهم نفسيتي ووضعي غيركم