زوجي ذبحني بكلامه

[أم فجر الاموره]

اولا عزيزتي
استهدي بالله .. وعيني خير
انا مع كل الاخوات تجلسي معاه و تتكلمي وتعرفي الاسباب
صدقيني مافي الا هالحل
لان سكوتك راح يزيدك تعب وغير البيبي اللي جاي
انا زوجي احيانا تجيه اوقات يقول كلام يسم البدن مثل زوجك واكثر
لكن لاحظت مايقولها الا اذا كان مضغوط من كل النواحي
فانا بهالحاله اعذره و اطنش
ممكن زوجك مزاجي او حس بالمسوليتك ومسولية بيت وغير طبعاً مسولية البيبي<حتى انا عانيت من هالمشكله .. كان يحن ويزن يبيني احمل ويوم حملت صد عني فترة
وبعد محاولات من الاسئله يقول تسرعنا بالحمل .. لانه حس بالمسؤليه وخاف
وهالشي طبيعي على رجال هالايام اللي مرفه نفسه قبل الزواج طلعات وروحات وسهر وغيرة
فمن رايي دقي عليه بما انك عند اهلك
وخلك شوي صارمه وجديه .. قولي تعال خذني
وبعد كم يوم وبهدوء اجلسي معاه
واعرفي اسبابه و اعرفي وضعه .. مضغوط ، عنده مشاكل ؟؟

لاتقولين يكرهني ومايكرهني
ترى الرجال تجيهم فترة مايعرفون وش يبون ومايقدرون يعبرون يصيرون دفشين بكلامهم
ومايفكرون بالانسانه الحساسه اللي قدامهم

ادعي الله يسخرة لك ويخليكم لبعض
ويسهل عليك ولادتك ويقومك بالسلامه