اكره زوجه خال زوجي والسبب

[ندى الياسمين]

أكره زوجه خال زوجي والسبب ...
السلام عليكم ورحمه الله وبركاته
صباح / مساء الخير على أخواتي الحبيبات
أخواتي مشكلتي اني اكره زوجه خال زوجي لانها قبل ما تتزوج خال زوجي تقدم لها زوجي وأهلها رفضوا بسبب مشاكل عائليه
ومن وقت ما عرفت وانا اكرهها ولا أشتهي اشوف وجهها وأتوقع من تصرفاتي عرفت اني اكرهها
ذبحتني الغيرة رغم اني والحمد لله بشهاده الجميع أجمل منها بس خلاص مشاعر الكره والغيره تجاهها ما عاد قدرت أتخلص منها
وغير كذا اني احس ان ام زوجي مره كانت تتمناها لزوجي واحسها معجبه فيها وتمدحها وهالكلام لما اسمعه ينحرق قلبي
واللي عرفته ان أمها كان نفسها ان زوجي ياخذ بنتها
حتى لما تزوجت ما جات ولا باركت بالزواج وهذا اللي خلاني احس ان بداخلها رغبه وخاطر بزوجي رغم ان بنتها وقتها كانت مخطوبة لخال زوجي
كرهتها وكرهت أهلها ولا أتصور اشوفهم
مره تعبت وكل ما اشوفها أتضايق واتنكد و سيرتها تجيب لي الضيقه
مدري كيف أتخلص من هالمشاعر لان هالانسانه بظل اقابلها بكل مناسبه وما عاد أتحمل هالتعب كله