اكتب لكم ودموعي مغرقة عيوني

[حياتي توأمي]

حبيبتي لاتيأسي الحمل يصير عندما يقول الله له كن فيكون والدكاتره والمستشفيات ماهي ألا لأخذ الأسباب
أنا كنت بسوي العمليه اللي هي أزاله التكيسات لكني استخرت رب العالمين وشفت كوابيس بأحلامي .. والحمد لله ماسويتها
لأني مارتحت بمنامي ونفسيتي كانت بالحضيض
حبيبتي استخيري الله وأكثري الاستغفار وربي كريم راح يكرمك .. وعلى فكره حبيبتي أنا قعدت 4 سنين من تزوجت ماصار حمل
ورحت لدكاترة ولفيت ودرت وتعبت من الأدويه وبعدين قررت أنزل وزني وبعد مانزلته الحمد لله خف التكيس ومن أول علاج حملت على طول بأحلى توأم وربي عوض صبر 4 سنوات بتوأم الله يحفظهم لي بيكملون الحين 6 سنوات وبيدخلون في 7 وأنا نفسي أخوايهم خاطري اخاوي ولدي ولا بنتي . .. وحاليا احاول اتعالج مره ثانيه ومن أربعه شهور وأنا احاول دون جدوى والسبب التكيسات لأنها ملازمتني عندما يزيد وزني تزيد معاي والحين زايد وزني واتوقع ماراح أحمل الا لمن أنزل وزني .. والأهم عندما يكتب الله لي الحمل ..
الحمد لله على كل حال
طولت عليج حبيبتي بس حبيت اقولك قصتي لكي أخفف عنك وعشان تشوفي كرم رب العالمين لي عندما أعطاني التوأم
اكثري من الاستغفار والصدقه صدقيني حبيبتي هالشيئين نتيجتهم العجب العجاااااب