دردشة بنات المدينه المنوره - تجمع حوامل بنات المدينه

[أميره مووول]

اللي تسال عن ماركة كريولاين موجوده في العاليه عند محل كيوت

واللي تسال عن تجربتي بمستشفى الولاده الحمد لله ولدت فيها 6مرات..
تعاملهم معايا اكثر من رائع يارب لك الحمد والشكر كنت دايما ادعي ان الله يسخر
لي الممرضات الطيبات..
جبت 5طبيعي واحد قيصري والحمدلله عنايه واهتمام..
بس للامانه آخر ولاده بعد ماولدت طلعوني فوق قسم مابعد الولاده
بعدها بنص ساعه يمكن احس قطع كبيره تنزل مني قد الكف طبعا ماتعودت
انه ينزل مني كذا وجات الممرضه ولقيتني دايخه وقلت له فيه قطع..
وشافت وجري راحت تنادي الدكتوره والله ماحسيت بنفسي الا اللي تجري
تركب لي محلول واللي تعطيني ابره والدكتوره تضغط على بطني
وكل شوي يساالوني انتي صاحيه تحسي بدوخه يمكن ربع ساعه تجوس فيني
وكل ماضغطت على بطني احس قطع كبيره تنزل
طلع انهم تركوا المشيمه فيني هذي اول مره اصادف خطا عندهم
والحمدلله ربي سلمني بعدها دخت وماحسيت بنفسي زي اللي طالعه من غرفة الافاقه..

الشي الثاني اختي بطفلها الثامن كسروا يد بنتها وجلست 10ايام بالحضانه الله لايوفق
الدكتوره سلوى مصريه سحبتها بقوه وانكسرت يها بس اختي تقول لأن ولادتها تعسرت
وخيطوها13غرزه لاحظوا والله انا ولدت بعدها بثلاث اسابيع والحمدلله كنت امشي
عادي وهي كأنها اليوم والده
وماكانت تقدر تجلس الا لما راحت لمستشفى خاص فكوا لها بعض الغرز لأنها مشدوده



الشي الثالث قبل شهرين بالضبط اختي الصغيره ثاني طفل لها
خلصت شهرها تنومت في قسم الحوامل وثالث يوم حطولها تحميله
الدكتور مؤيد حسن يونس الله لايوفقه فين ماراح..
حط التحميله الساعه 11وكشف عليهاولاعاد رجع بدت معاها آلآم الطلق
الساعه 2ويتصلون عليه الممرضات وماو راضي يجي يقول لسه
5اتصالات ولاجاء ولاحتى الممرضات جوا طلوا عليها
المويه نزلت وكل علامات الولاده قلربت وتحس ان بنتها بتنزل
آخر شي جات الممرضه وقفلت رجل اختي وقالت امسكيها واتصلت ع الدكتور وجاء
طبعا الراس طلع مايمديهم ينزلونها تحت ولدها مكانها بنتها انشرقت بالمويات ومابكيت
ودوها الحضانه واستخدم ادوات ماهي معقمه من الكاونتر حق الممرضات بس الله لايسامحه لاذمه ولاضمير..
بنت اختي صارت تستفرغ دم ولاترضع ولاتبكي
جلست بالحضانه يوم كامل وبعدين خرجت الحمدلله..


سامحوني طولت عليكم بس حبيت انبهكم على بعض الأخطاء..
وبرغم اخطاءهم اشوفه افضل مستشفى عندنا في المدينه لأن الباقي مجازر..


في النهايه اسأل الله الكريم ان يسهل لكل حامل ولادتها ويقومها بالسلامه
الولاده تساهيل من الله سبحانه عليكم بكثرة الأستغفار
واذا دخلتي شهرك اشربي حليب وزعفران وعسل ان جربتها يارب لك الحمد
ماشاء الله لاقوة الابالله ولادتي ماتاخذساعه من بداية الطلق الحار..