خلطه انسداد الانابيب تجربه ...

[المياسه بوظبي]

صباح الخييييييييير

كيفكم صبايا

انا جديده على المنتدى وطبعن هذا القسم اللي دخلته لاني اعاني من تأخر الحمل

بقولكم بالمختصر انا كان عندي كيس على المبيض اليمين و الحمدالله سويت منظار وراح الكيس :)

وقبل مادخل العمليه قالي الدكنور راح اجيك على الرحم والانابيب وكل شي مره وحده

وطعت فرحانه اني افتكيت من الكيس وفي امل احمل بس للاسف قالي الدكتور الانابيب عندج الاثنين مسكرات تماما والسبب الالتهاب قديم

اوكي يعني شو بالعربي ؟؟؟؟؟ قالي ماتقدرين تحملين الا بالانابيب طبيعي مستحيل :(

ماعلينا انا ماخليت كلامه يحبطني في شيخ مطوع قال لزوجي في خلطه لازم تستخدمها وبأذن الله راح يروح هذا كله والانابيب من يروح منها الالتهاب راح تفك ويحصل الحمل انا بديت بالخلطه هذي والله لا يراويكم الاشياء الغريبه العجيبه اللي اشوفهاا

الخلطه عباره عن ماء مغلي واحط عليه عشبتين اللي هي ( السدر المطحون و عشبه فيجن او الجذاب الشذاب شي جي اسمها )

كل يوم لمده 15 يوم اوقف على المغلي هذا واخلي البخار يوصل من تحت واكون مسكره عليه بغطاء ثقيل وبعدين قالي راحه لمده 5 ايام وبعدين ابلش مره ثانيه ؟؟؟؟؟؟؟؟

انا والله ماعرف شو النتيجه بس حاليا اجربها وحبيت اشاركم يمكن في وحده مثلي وحابه تجرب وان شالله نشفى من هالشي اللي يتعب

على فكره اول 3 ايام لما بديت استخدمها كنت اتالم مثل الم الدوره وبعدين صار الموضوع عادي وبعدين نزل على نفس الدم 3 ايام بعد بس خفيف وايد وبعدها خلاص الحمدالله

وانا مستمره على هذا العلاج قلت اجرب الاعشاب يمكن فيها الدوا

ادعولي بنات اني احمل قريب