حامل؟!تعالي فيدينا كيف تهتمين ببشرتك :((

[ليتني مو انا]

بسم الله
كيفكم حبيباتي


كل وحده تكتب كيف تهتم ببشرتها أثناء الحمل

لان انا بصراحه اكتأبت جتني نفسيه بشرتي صايره جااافه بشكل مو طبيعي
والله يا بنات لدرجة بعد ماتوضيت للفجر دهنت بزبدة الكاكاو والله ماخلصت صلاه الا ماكأني دهنت جسمي
وللعلم اشرب مووويه كثيييير واشرب حليب واكل فواكه وهالجفاف ياساتر احس اني صايره ضب
استخدم بعد الحمام لوشن نيفيا لالتفتيح الطبيعي احس انه فتح ربع درجه بس بسرعه يختفي الترطيب

وتعرفون الحوامل عجازات حتى لو الوحده طيبه مافيها شيء تتذكر انها حامل ينزل عليها كسل من السماء
ماعاد نحط خلطات تفتيح وحماسات
ياليت اللي جربت خلطة تفتيح ماتضر الحامل ونتيجتها تبين لان وراي زواجات بهالشهرين ما ادري ليش ما يأجلون زواجاتهم لين اولد

تكفون بنات ساعدوني والله متأزمه من بشرتي اهم اهم شيء ارطبها وبعدين افتحها
تكفون ساعدوني ولكم دعوة بسجودي

اسفه هذرت كثييير عليكم