تجمع رعاية المولود من حديثي الولادة إلى شهر 3

[ياهم ربي كبير]

المشاركة الأصلية كتبت بواسطة يارحيم

زنوب ياحلوة فترة سنة بين الولادة والحمل الثاني مناسبه انا ناويه على سنة ان شاء الله.. ياحبيلك تراك ما تعتبرين اخذتي منشطات!! لما تقولين منشطات يجي بالبال ادوية وبعدين فترة سبع شهور يعتبر جدا طبيعي!! اللي يعدي سنة وهو يحاول كل شهر هو اللي ممكن يكون مشكلة وممكن مايكون.. حتى لو تروحين دكتور وانتي ما صارلك سنه تحاولين يقولك كملي سنة بعدين تعالي لي.. وكيف تقولين زوجك عنده ضعف؟ لو عنده ضعف كان ما حملتي خلال سبع شهور كان قعدتي سنة وسنتين واحتجتي علاج بعد.. انا قلتلك عن الماش انه مفيد بس مو انا اللي قلتلك انه يسبب ضعف.. وترا لما يقولون شي يسبب ضعف مو معناتها اي احد ياكله يسبب له ضعف.. وبما انك حملتي بطريقة طبيعيه وبدون تدخل طبي وباقل من سنة تعتبرين انتي وزوجك طبيعين مية بالميه

انا ما جتني اخت نفاس ولا دورة ولاشي.. وماعندي اعراض غير نقص الحليب وافرازات غريبه مو متعوده عليها!! بنتظر اسبوع واحلل ان شاء الله.. بس بغيت اسألك عن الرضاعه كيف ولدك رفض صدرك فجأة اذكر كنتي ترضعينه من صدرك وبعدها ياخذ الصناعي اسمتريتي على هالنظام؟ ولا وقفتي الرضاعه من صدرك وبعدين بغيتي ترجعينها ومارضى؟ اعذريني على الفضول بس ودي استفيد من تجربتك لان ولدي صاير ما يشبع من صدري وافكر اعطيه بالرضاعه بس خايفه يرفض يرجع لصدري..

هههههههههه لا لا ياقلبي الميرامية تعتبر منشط للمبايض
بس انا ماكنت ادري الخلل مني ولا منه ، والماش (الحين عرفت اسمه) في حد كان يقولي انها تسبب ضعف للرجال وقتها ، حسبتك انتي هههههه ، بس فعلا لان زوجي كان مدمن عليها ، والحين لو نبي نحاول بعد سنة بنبهه يوقف الماش .. وعندنا الاطباء يقولون 6 شهور هي اللي تعتبر طبيعية مو سنة هههههه انا بالسويد وبانجلترا قالولي كذا ، بس كنت مستعجلة ع الحمل هههههه وزوجي ماكان راضي يحلل او يجرب اشياء طبيعية كان معند ، انا اللي جربت ميرامية واناناس وخرابيط ثانية بس الحمدلله بالنهاية حملت ..

لا مافي مشكلة اسئلي ع راحتك يختي ..
الشفاط شريته عشان الحليب مالي ماكان يكفي ، ونور كلما ابغى ارضعه يرضع شوي وينام بدون ما يخلص ، عشان كذا قل حليبي ، وقلت ازيده واحاول اوقف الصناعي واعتمد على الطبيعي ..
وطلبت من زوجي يشتريلي شفاط ، جربت اشفط اسبوعين واعطيه اللي شفطته وحليبي ماشاءالله كثر ووصل كل مرة اشفط 150مل ومرات 180مل وما احتاج اسوي رضعه صناعيه عشان اكمل عليها ، بس الحين اسوي 30مل صناعي اكمل عليهم لان صار الحين يشرب 210مل ماشاءالله..
المهم ، جربت ارضعه بعد الاسبوعين من صدري ، والولد صار يبكي ومنرفز قلت معقولة رفض صدري ، جربت مرة ثانية وثالثة ورابعه لين خلاص اقتنعت انه رفض نهائي واستمريت على الشفاط ..