تجمع رعاية المولود من حديثي الولادة إلى شهر 3

[يارحيم]

زينب انتي موقفة الرضاعه من صدرك؟؟ اتوقع اذا موقفتها وبس يشرب ببرونة صعب انه يرجع لصدرك لكن مافيه شي مستحيل.. فيه موضوع مثبت بقسم الرضاعه عن كيفية العودة للرضاعه الطبيعيه ان شاء الله يفيدك.. من ناحيتي اعتقد ان اول سلاح هو التجويع خليه يجوع لين ياخذ صدرك ويمكن ياخذه شوي ويتركه ويفجر راسك بالصياح لكن بالنهايه اتوقع بياخذه ولا يموت جوع.. بس ترا هذا الحل من راسي مدري اذا صح ولا غلط احسن اقري ذاك الموضوع اتذكر خبيرة كانت متكلمة خصيصا عن اللي قطعو الرضاعه الطبيعيه ويبون يرجعون لها..

ومرررة شكرا على المعلومه المهمه انا فعلا شكيت انه من اكلي ووقفت التمر لانه معروف يسبب غازات بس ماخطرت البقوليات على بالي ولا الحليب.. الحمدلله مب راعيه حليب بس كنت ناويه ابدا بالحليب لاني مصدقه انه يساعد على ادرار الحليب!! صدمتيني ان المعلومه غلط.. انا قالو لي كاس حليب وملعقة طحينه تدر الحليب بشكل خيالي وانا حليبي قليل ورحت جبت الطحينه!! بس خلاص مارح اخذ حليب تكفيني حبوب الكالسيوم اللي اكلها..

روعة النسيان وال ماما نوف مشكورين باذن الله بجرب طريقة الزيت زيتون..

مايا يمكن ولدك مفلوز ولا ماخذ برد.. او احتمال بشرب اكثر من طاقته جربي قللي رضعته..