مشاركتي في مسابقة يا رحيم لا تكتبني عقيم

[منى العبدالله]

*
بسم الله الرحمن الرحيم*
* السلام عليكم ورحمه الله وبركاته

انا كاأي *انسانه تتمنى تصير ام والحمد الله ع كل حال طبعا انا احب الاطفال من قبل لاتزوج وكان اتفاقنا اننا نقعد سنه بلا حمل بس سبحان الله ثاني شهر تاخرت الدوره ورحت شريت تحليل حمل وطلع خطيين ماتتصورون كيف فرحتنا لدرجه عشت الدور الي تقعد ع الفراش وماتتحرك وتدلع اليوم الثاني رحت حللت بالمستشفي قالت مافيه حمل بس طبعا حطيتهم كذابين😞 وكملت اني حامل ونمت وصحيت الا وست الحسن مشرفه هنا الطاااامه 😳😳 ماصدقت ظليت يومين ابكي وبعدها قعدت 6شهور وبدا مشواري حق العلاج طبعا شتت نفسي من مستشفي لمستشفي وفي الاخير استقريت ع الحبيب وقاعده اراجع الحمدالله مافيني شي ولا زوجي بس ربي كتب هالشي اخذت ابر التفجير اخذت ابر تحت الجلد سويت اشاعه الصبغه وكل شي سليم صح احيانا اتمني يكون فيه شي حتي اعرف وش السبب بس استغفر الله والحمد الله ع كل حال صح ابكي واتالم بس سبحان الله كل شهر يتغير فيني شي للاحسن وقلت يمكن ربي مااخر الحمل الا عشان اصير احسن واشوف اشياء كنت غايبه عنها الحمدالله حفظت جزء وباذن الله احفظ القران كامل صرت اقول اذكار الصباح والمساء صرت استغفر وادعي ولله الحمد ومتفائله اني بصير ماما وماما ل10بعد يارب يكوون قريب وافرح وتفرحون بعد انتو صح كل شي حلو حولي بس مدري احس ناقصه شي مستحيل فرحتي تكمل احس جواتي حاجه تبكيني*
ومستحيل اليوم يروح والا واشوف دموعي نفسي احد يونسني حاولت اشغل نفسي بحاجه عشان احمل لانهم يقولون التفكير يااخر درست حاسب وسبحان الله تعرفت ع وحده مثلي تبي تحمل فزاد البكاء والوجع قلت انسى *فزدت😜 وهالسنه نفسي اشغل روحي بس مافيه شي*
اللهم اجعل فرجك القريب حملي القريب يا حي يا قيوم يا ذا الجلال و الاكرام*
يا من اذا اراد شيئا ان يقول له كن فيكون*
انه عليك هين يالله انه عليك هين يالله انه عليك هين يا الله..

انصح كل محرمه بالداعاء والاستغفار والله يفرحنا عاجل غير اجل