تجمع رعاية المولود من حديثي الولادة إلى شهر 3

[ρυяỉтч •]

يارحيم من جد ذا الشي راجعلك هو ايش دخله الرضاعه طبيعي او صناعي !
حتى لو جينا لشرع ربنا سبحانه وتعالى في مامعنى الايه ( وعلى المولود له رزقهن وكسوتهن )
والعرب كانوا يستإجرون مرضعات لاولادهم ، والاب هو اللي يدفع لانه ولده ومن صلبه
ف انتي من الحين بيني الخطوط الحمرا بتربيه الطفل .. بكرا يكبر ويفشلك قدام العالم بسبب اختلااف الاراء بينك وبين ابوه
اعرف وحده ولدها عمره ٣ سنوات يصك امه كف محترم ويشدها من شعرها قدام العالم .. كله بسبب ابوه مدلعه وياويلها تقوله شي
لو زوجك رفض الصناعي عادي مو مشكله اعطيه الولد وروحي نامي .. انتي من حقك تنامين ايش دخلك مو ولده ؟
ومافيها شي بعد تطلعين وهو يقعد عند ولده يغير البامبرز وينتبه عليه ،
هو اول مايشوفك صارمه بذا الموضوع بينسحب .. لانه عارف ماهو قد الحمل ذا ومن اول دقيقه بينحاش لو الولد بكا وازعجه ..
/
شوش عندك كذا طريقه عشان التكريع .. اما انك تسدحينها على بطنها مثل ماقالت يارحيم .. بس تاكدي ان وجهها ملفوف لليمين او اليسار عشان لو تستفرغ ماتنكتم
او تحطينها ع كتفك وذي مره متعبه وراح تتعبين قبل البنت تتكرع
بس احسن طريقه اجلسي ب الارض وتربعي .. وحطيها بحضنك على بطنها وارفعي رجلك من ناحيه الراس ..وامسحي عاد على ظهرها
الطريقه ذي تضمنين انها ماراح تنكتم .. وبعد بتكون بحضنك وقريبه منك ومريحه ، وتقدرين تشتغلين اي شغله ب الارض وهي معك
خليها لو نص ساعه لحد ماتكرع ..
/
الاميره مبروك البنوته حبيبتي .. شوفي اذا طاحت السره طوالي خرمي اذنها .
وترا التخريم مو مثل ختان الولد .. ماتحس بشي البنت ولو بكت دقيقه وهي ساكته وخلاص
بس اهم شي حطيلها حلق ذهب طبي لمده اسبوع وبعدين عاد تبين تغيرين ب الحلق عادي مع ان الطفله اذنها طريه وماتستحمل اي اكسسواريز