عاجل جدااااااااااااا أطلب المساعدة جازاكم الله خيرا

[الواثقة في الله]

المشاركة الأصلية كتبت بواسطة نور الهداية"

أنا يا ليليا مرة تأخرت علي الدورة و اعتقدت أني حامل لكن بعد تحليل الدم تبين أني غير حامل
و الطبيبة بعد الكشف قالت أن لدي تكيس
و بعدها كل ما تتأخر الدورة أعمل تحليل و يكون سالب و في نفس اليوم تنزل و وصفت لي الطبيبة منظم للدورة

و الشهر الماضي وصفت لي كلوميد و هو للتبويض و شربت أيضا منظم للدورة و حسيت بأعراض حمل و جاني غثيان في الصباح و كنت سعيدة جدا لكني حملت ثقل و أحسست بألم ببطني و ألم شديد بالظهر و استمر معي و بعدها بثلاث أيام اشتريت تحليل الحمل و استيقظت فرحة في الصباح لكن كانت الدورة نزلت فحزنت جداو لم أعرف هل كان حمل و نزل بسبب الثقل الذي حملتهأنا متفائلة بأن ربي سيرزقني بتوأم سليم معافى

آمين آمين آمين يا رب العالمين ، واليوم الجمعة وإن شاء الله نطيحة في ساعة الإستجابة

شوفي يا إنصاف تأمدي باللي ربي حنين كريم والله وفوق ما تتصوري ، أنا بارغم من الدورة كانت تتوخر عندي كانت التحاليلي تخرجلي سلبية ورحت لزوج أطباء وقالولي مكيش حامل وزدت إستنين من وراها 15 يوم كي رحت عند الطبيبة تاعي وكنت مع أمي وقالتلي عندك توأم تبسمت خاطر كانت ثقتي في ربي كبيرة بزاف وكأنها مقالتليش خبر جديد بصح أمي عندا طارت من الفرحة حتى بكات ومن بعد قدر الله ما شاء فعل

أملي في ربي كبير الخطرة هاذي يمدلي إن شاء الله توأم سليم معافى وإن شاء الله ليك ثاني وإن شاء الله يكونوا سليمين معافين يا رب العالمين ويفرحنا بيهم ربي عن قريب

بالنسبة للثقل صح يطيح الصغير وخاصة في الأشهر الثلاثة إلى الأربعة الأولى وهاذي معروفة ، منين يدخلك الشك بلي ممكن تكوني حامل متهزيش الثقل نهائيا

بالنسبة للتكيس لمحت هنا مواضيع عنو في هذا المنتدى ممكن تتستفادي منهم بصح نسيت وين


بالنسبة لدوفاستون كنت خايفة منو موت خاطر على بالي يهبط الدورة الشهرية وعطاتهولي الطبيبة على شهرين متتاليتين وعندي أختي الصغير طبيبة ثاني قالتلي متخافيش هو يطلع نسبة هرمونات الأيستروجين في الدم وكي تحبسيه يجيك الدم بصح لكان هزيتي في الفترة اللي كنتي تشربيه فيها على العكس يثبت الحمل تاعك ويقويه ، ربي يجيب الخير إن شاء الله


أشربي ثاني حبوب لاسيد فوليك حبة كل يوم تقوي البويضة وتحمي من التشوهات الجنينية فيما بعد