أفيدوني الله يخليكم .. كيف أرجع الحليب لصدري وازيده ؟

[Water Lily]

السلام عليكم حبيباتي،

حبيت استفسر عن موضوع الرضاعة الطبيعية ..

أنا أرضعت بنتي في الاربعين يمكن اول 3 اسابيع وبعدها قللت بدون ما اقصد بسبب حالتي النفسية .. لين خف الحليب وبعد الاربعين رجعت وقويت نفسي وقلت بكمل ارضعها .. بس طلع صدري ناشف .. انصدمت ..

المشكلة ماتوقعت لاني لما اعصر الحلمة تطلع قطرة او قطرتين بس لما جربت الشفاط ماطلع شي ... وتميت فترة بالشفاط يمكن 10 دقايق .. ونفس الشي ..

وبنتي لأنها كبرت وعمرها الحين 3 شهور صارت واعية وماتبي صدري .. قلت مب مشكلة بعطيها بالشفاط اسهل لي ...

الله يخليكم الي ممكن تفيدني في هاي الموضوع لاتبخل علي .. حاسة بتأنيب الضمير وودي ارجع ارضع بنتي حتى لو اشفط لها ماعندي مانع بس على الاقل ابغيها تستفيد من الحليب الطبيعي ..

وايش هي الاطعمة والمشروبات الي تزيد الحليب بدل الحلبة ... والي تشتغل شتسوي علشان تزيد كمية الحليب . انا للأسف ماقدر اشفط في الدوام لان مكان عملنا خلط .. ومافي استراحة نسائية مغطية ..

وربي يجازي من ترد علي كل خير ويرزقها بالذرية الصالحة ..