ارجو الرد بسرعه خايفه يكون حمل خارج الرحم

[عطر الغد]

معلش انا هطول عليكم عشان نفسيتي زفت ومش ببطل عياط

...اولا انا من حوالى سنه ونص دكتورة نسا قالتلى ان عندي تكيس على المبيض اليمين ووصفتلى حبوب ديان انا اخدتها شهرين ولاقيتها تعبتنى جدااااااا فوقفتها

... حصل انى اتجوزت من قريب جدا واتجوزت في السعوديه يعني لوحدي مفيش جنبي حد اساله ... المهم اخر دوره كانت عندي كانت بتاريخ 6 شهر 12 يعني من شهر والمفروض انها كانت تجيلى يوم الخميس 3 شهر 1

قبلها انا كنت خايفه ورحت لدكتوره هنا وطمنتنى وقالتلى ان الكيس اللى عندي عالمبيض بسيط وميسببش اي مشكله ... ووقتها انا كنت حاسه بالم ناحية المبيض اليمين ده وسالتها هل بويضة الشهر ده جايه من المبيض ده ؟ فقالتلى اه

المهم قالتلى انتى دورتك المفروض كمان يومين اللى هو يوم الخميس لو مجتش الخميس يبقى تانى يوم اعملى تحليل حمل ..

فانا كنت مستبعده انى اكون حامل بصراحه لكن لاقيت نفسي حامل فعلا وبعد تاخير الدوره ب 3 ايام يعني امبارح بالليل رحت عملت تحليل رقمى لاقيته 180 فمش عارفه انا كدا في الاسبوع الكام ؟

المهم انا حسيت بالم اسفل بطنى فاتصلت بالدكتوره قالتلى ان ده مش طبيعي وان ممكن يكون الرحم بينقبض عشان يطرد الحمل

قولتلها انى حاسه كمان بالم ناحية المبيض اليمين .. الالام شبيهه بالظبط بالالام الدوره لما بتبقى البويضه جايه من اليمين ... فقالتلى ان ممكن يكون حمل خارج الرحم .... انا خايفه جدا ومش عارفه اسال حد ولو الدكتوره دي مش كويسه انا مفيش قدامي غيرها في المكان اللى انا فيه في الغربه دي واقدر اطمن ازاي بالله عليكم ؟

انا كدا في الاسبوع الكام لان دكتور المختبر قالى التانى بناءا عن الرقم لكن من الدوره يبقى الرابع ... وهل ده حمل خارج الرحم ولا لا ؟ وضعيف ولا لا ؟