تجمع بنوتات كروشات ••جمادي الاول 1434•••مارس 2013•••

[أم الرضا]

ابغى اقولكم موقف حصل اليوم ومرة مضايقني
استقبلت صاحبتي في البيت عشان تبغاني اساعدها في عملها ويعلم الله قد ما انا تعبانة بس قلت احتسبه اجر مساعدة اختي المسلمة
هي زارتني في الشهر الرابع وكنت مرة ما اتحرك بس على السرير وطبعا بطني كانت صغيرة
اليوم اول ما شافتني تقولي شكله البيبي كبير قلت لها ليه قالت عشان بطنك كبيرة قلت لها ان شاءالله الاسبوع الجي ادخل الثامن ايش تتوقعي
وبعدين الحمدلله حجم البيبي ماشاءالله طبيعي مو زايد ولا تنسي المشيمة والموية والله يا بنات انقبض صدري لمن قالت لي كدا
بعدين لمن شافتني اتحرك تقولي صحتك صارت احسن قلت ليش تقولي كدا قالت عشان تتحركي مو زي اول قلت لها لازم اتحرك عشان العضلات كسلت 6 شهور ومو كويس وقت الولادة
وحتى حركتي مرة خفيفة وعلى مهل
هي اصلا كبيرة وما اتزوجت ونفسها ربي يرزقها باولاد وانا دايما ادعي لها بالزوج الصالح
بس من وقت ما خرجت وانا جسمي كله يألمني وعندي خفقان في القلب وبعيد الشر عنكم البواسير مرة زادت وتوجعني
ومن وقتها وانا متضايقة مع اني اتحصنت قبل ما تجي وقلت اساعدها لانه كان الله في عون العبد ما كان العبد في عون اخيه
لكن دحين قررت ان شاءالله ما استقبل اي احد الين اولد بالسلامة وهي تقولي ابغى اجيكي ثاني عشان ما خلصنا شغل اليوم بس راح اعتذر منها لانه سبحان الله هي فعلا لها معايا اكثر من موقف وعينها حارة سبحان الله والله اني ما ابغى اوسوس بس العين حق
ربي وحده يعلم كم عانيت قبل الحمل ووقت الحمل ومو مستعدة اتعب نفسيتي واقلق
دعواتكم ربي يحفظنا جميعا ويتمم لنا على خير