تجمع كبييير لإنقاص الوزن لمعالجة التكيس والضعف وتأخر الحمل.....ابدئي التسجيل

[ميلادي الجديد]

بلأول صبحكم الله بالخير والنور والسرور ياقمورات
والله أنا صحيت من النوم وفيني نشاط وسويت هالموضوع
ياطويلات العمر واضح من العنوان نبغى نبدأ كورس بس هالمرة مو كورس تنشيط و .....و.......و...
لا هالمره نبغى نبدأ مع بعض كورس ننقص فيه اوزاننا طبعا الكل عارف ان السمنه وخاصة مابعد الزواج أول عامل لكل المشاكل بالجسم وانا عن نفسي مع اني مو زايدة عن وزني المثالي الا 20 كيلو <<<< تشوفها قليلة ههههههههه
إلا إني كل ماأروح لدكتورة تقولي نقصي وزنك ضروووووري والله العظيم قالتها ليه دكتورة النسا والولادة بالعسكري ووحدة ثانية بمستشفى خاص إللي اسوي عندها متابعة تبويض تقول الأفضل إنك تخسي وكمان قالها ليه دكتور الغدة وطلع الوزن هذا مسؤول عن مشاكل كثييييرة تصير بعد الزواج واحنا ماندري عن شئ
هاه ياسنيورات وش رايكم نبدأ أنا عن نفسي باقي لي 4 أيام وأعمل تحليل حمل اذا ربي ماكتب لي هالشهر مابتحطم ولا شئ بالعكس بيكون عندي هدف جديد اسعى له يعني بنسوي زي الخطة بعد التوكل على الله تكتبي بورقة من فوق كلمة الهدف وتفرعي منه سهمين إما حمل أو دورة إذا كان حمل الحمد والشكر لله أما اذا نزلت الدورة تكتبي كل شئ راح تسويه مثل الرياضات وجدول الريجيم ووزنك الحالي ووزنك المثالي ومن الأشياء المحفزة
تدرون وش فايدة هالجدول إنه بيشيل منك التحطيم إللي يصير دايما مع نزول الدورة فوق ماتكوني تعبانه من الدورة كمان تزيديها بنفسيتك
والله يابنات الرياضة تشل كثييير من التوتر اللي يصير وسبحان الله اثبب دراسة إنه مع الرياضة بيفرز الجسم هرمون اسمه هرمون السعادة وعلى فكرة الرياضة ماتقتصر بس على الدبات هههههه حتى اللي اوزانهم حلوة ومثالية

إللي اعجبها تسجل وانا راح اكتب اسمائكم عندي بورقة وبحسب اوزانكم الحين وكل اسبوعين ونشوف مين اللي نقصت بسرعة واللي مانقصت نساعدها اكثر
يالله نتفاعل وننزل مشروبات للريجيم وجداول ورياضات
الريجيم انا عندي ريجيم روعه بنزله اول ماتسجلون اساميكم عندي