تجمع الحوامل اللي ولادتهم في صفر 1434هِ

[ياهم ربي كبير]

عدنـــــا ..

قصة ولادتي ،، حصريا فقط على تجمع صفر (مافي وقت احطه بقسم الولادة هع)

احم احم ، ماعرف من وين ابدأ
لان كل شيء بصراحة حصل بسررررعة
حصلت الأحداث ورا بعض من غير بريك
بس انا بخبركم بكل التفاصيل

نرجع لآخر رد كتبته قبل ولادتي هنا بالتجمع كان بيوم الاثنين
كنت خبرتكم اني بكرا رح اغير ستاير بيتي وبعض الأغراض (عشان يكون البيت مرتب ومتزين قبل الولادة)
وقلت كمان اني رح اركب سرير البيبي لاننا اشتريناه وكان موجود بالغرفة من غير تركيب
وزوجي طول اليوم يشتغل فـ دايما كان يقولي ان شاء الله بالويك اند بسويه ، وانا كنت حدي متحمسة ماقدر انتظر لين الويك اند ، عشان كذا صممت اني اركبه بنفسي واغير الستاير وارتب البيت
والحمدلله دخولي شهر التاسع واااايد ساعدني لاني حسيت اني أخف من قبل
وآلام الظهر اللي كانت عندي راحت والحمدلله ، قلت يلا انتهزي يا زينب الفرصه قبل لا تيجيكي الولادة فجأة ..

المهم ، بعد هذا الرد
جا يوم الثلاثاء اللي كان يوم بدء العمل
صحيت من النوم متأخر زعلت لان نص اليوم راح وانا ماسويت كل اللي كان ببالي
بس ما استسلمت
رحت أكلت وبدأت بالشغل، غيرت الستاير ، جمعت الملابس وحطيتهم ع الغسالة
ونظفت البيت وبعدها تفرغت حق تركيب السرير :)
طلعته من الكرتون (كان واااايد ثقيل بصراحة ) وهذا يمكن كان سبب من اسباب اللي جابلي الطلق !!
المهم ، طلعته وشلته قطعة قطعة لان كان ثقيل، وجبت كتيب الارشادات
وركتبه ، كنت بركبه وانا قايمة جالسة طول الوقت من زاوية لزاوية لين خلصت
وبعدها تعشيت وصليت وجيت ع المجلس ، فرشت فرشة ع الأرض (لاني كنت ناوية اتسطح ع الأرض قدام التلفزيون ، واللابتوب كان معاي) قريت مشاركاتكم ليوم الثلاثاء وكل سوالفكم
بس ماكان عندي طاقة ارد بعد يوم طويل وشاق ، كنت متسطحة ع الفرشة بالأرض
لين رجع زوجي وبعدها بشوي قمت دخلت الغرفة ونمت ..

هنا بدأ الأكشن كل هذي كانت مقدمة ترا ههههههههه

الاكشن بدأ بالليل لما نمت
بدأت معايا آلام مثل الدورة ، مغص مؤلم بس محتمل
الساعة كانت 3 الفجر ، والألم كان يزيد شوي شوي
وكان يجي ويروح بطريقة منتظمة (هذي علامة قاطعة انه كان طلق حقيقي مو كاذب)
لين قررت اصحي زوجي ،صحيت زوجي ع الساعة 4 المسكين كان بيداوم الساعة 6 ، قلتله عندي آلم مغص مؤلم بيجي وبيروح كل دقيقتين ويستمر دقيقة او دقيقتين !! قلتله اتصل بالستشفى اسألهم لو هذا طلق حقيقي ولا لا ، وهل اجي ولا اضل ..
قام اتصل ببنت عمته !! يسألها هههههههههه
انا بهذي الفترة كنت قمت ودخلت الحمام(اعزكم الله) ومليت البانيو ماي ساخن وجلست فيه
وبعد شيء 15 دقيقة سمعت شيء غريب، صوت مثل قتح علبة مسكرة ! ماقدر اوصفه بس كان صوت قريب (بق) تجمدت بمكاني افكر شو كان هالشيء
خفت ، ودخل زوجي وقال بنت عمته قالت انه هذا طلق مادامه يجي منتظم والفترة بينه وبين الألم الثاني مدة قصيرة ، قاللي قومي البسي رح اوديكي المستشفى ، قمت عشان البس ، بهذي الفترة كنت كلما يجي المغص امسك ظهري واتم واقفة واركز لاني لو قعدت احس الألم أقوى وافقد تركيزي ، لبست وركبنا السيارة ، ذكرت زوجي يطلع يجيب شنطة الولادة لاننا نسيناها ههههههه ..

وصلنا المستشفى على الساعة 5 ونص الفجر ، والألم زااااد حبتين ، كانو لما يسألوني ماقدر اجاوب لما يجي الطلق ، كنت اقولهم لحظة استنو واقول وامسك عيوني واركز ع الألم ههههههه وبس يروح اتكلم واجاوب على اسئلتهم ، بس يابنات صحيح كان طلق بس مو مثل ما كنت اتوقعه كنت اخااااااف من آلام الطلق قبل وكنت اتخيل اني رح ابكي واصاااااارخ واشتم و و و و ههههههههه بس الحمدلله كان آلم قوي بس محتمل يعني ماسكة نفسي واخلاقي خخخخخخ

المهم ... قالولي استنى عشان يجهزو غرفة للولادة ، وبعد كم دقيقة قمنا ودخلنا الغرفة عشان يكشفو من تحت وركبو علي جهاز تخطيط دقات قلب الجنين ..

لما جلست جسيت الألم اقوى من قبل بس ماقدرت اسوي شيء غير اني اتحمل واتابع التركيز
جابتلي الدكتورة غاز استنشاق ، قالتلي استنشقيه لما تيجيكي الطلقة ، رح يخفف الألم ..
فكرتها تقول الحقيقة ، قمت استنشقته مانفعني هههههه ، بس لو ركزت عليه فعلا كان بيخلي راسك يسيطر على الألم بس مو يخفف ، الألم هو هو موجود مابيروح بس لما اتسنشق الغاز كنت اركز على الألم وتزيد قدرات تحملي أكثر ..

جتلي الدكتورة عشان تكشف قالتلي مفتوحة 5 سانتي !!!
انا مشاعري كانت لحظتها متلخبطة حيل .. قلت معقولة يعني بولد اليوم !!! ؟؟ !!
وبنفس الوقت كنت سعيدة لان ماخذت وقت طويل لأوصل للـ 5 سانتي ههههههه
وماكنت اعرف اصلا لو هذا طلق حقيقي لما كنت بالبيت سبحان الله كل شيء مرة بسرعة

قالتلي الدكتورة استنشقي الغاز وخليكي قاعدة ع السرير ،بنرجعلك بعد شوي
راحت ورجعت بعد شيء نص ساعة او أقل عشان تكشف مرة ثانية ، والألم كان اقوى هالمرة زاد من قبل بس الغاز كان بيساعدني اركز عليه **
قالتلي مفتوحة 10 سانتي !! وانا مرة انصدمت معقولة بهالسرعة ، الحمدلله
هههههههههه

جابت اشياء ونادت على وحدة ثانية تساعدها
وزوجي كان جنبي طول الوقت ، لبستني لبس الولادة
وانا ماسكة الغاز استنشقة وماسكة روووووحي اركز وبس
ادعي ربي وادعيلكم والشهادة بلساني طول الوقت

بعدما جهزت كل شيء
فتحت رجولي وقالت يلا ادفعي !!
دفعت دفعت بس حسيت انو مافي شيء جاي !! ماحسيت بحاجة تنزل
كأني ادفع على الفاضي !!
قلتلها ماقدر لان طاقتي كانت تخف وتخف :(
لاني ما اكلت شيء الصبح

قالتلي انا اشوفك من تحت وراس البيبي قريب انتي بس ادفعي واسمعي كلامي
دفعت مرة مرتين وتعبت لان طاقتي كانت تخف وسيطرتي على تحمل ألم الطلق كانت تخف، كنت وقتها اصرخ اقول آآآآآه قالتلي ركزي كويس وادفعي بقوة كوني شجااااااعة ماودك تشوفي طفلك؟
وانا هالكلمتين ذول حمستني شوي هههههههه وركزت اكثر واستجمعت قوتي ودفعت
قرب راس الجنين لين قدرت الدكتورة تحس فيه بيديها قالت هذا هو راسه اقدر احس فيه بأصابعي ادفعي عشان يطلع .. هاللحظة حسيت انه الألم اقووووى ، بس المغص راااح يعني مافي طلق بس تحسين ان راس الجنين رح يقطعك من المنطقة تحت !
احساس مؤلم بس بعد ما دفعت مرة مرتين بعزيمة وشجاعة طلع الراس الحمدلله ، وبعدها بثانية الجسم ، الراس كان أصعب شيء لما يطلع ..
وبعدها انفجر كيس الماي والآلام كلها راااااحت بثانية ولا كأني ولدت !!
حطوو الطفل على طول بصدري وانا مو مصدقة ان الوادة خلصت !!
الحمدلله ، حسيت بشيء لا يوصف ، شعوري كان ملخبط ، مرررة فرحانة وبنفس الوقت مو مصدقة ، يعني مصدومة تقدرو تقولو ههههههه
لان الاكشن كله كان سريع وما استمر غير ساعتين ونص من وقت دخولي المستشفى !
ولدت على ساعة 7 ونص .. الحمدلله ، لما افكر في التجربة احسها كانت مررررة حلوة ومو صعبة ابداااااااااااااااااا
يعني تحملنا 9 شهور تعب وآلام ، والولادة هي لحظة المهمة وكل شيء بيصير محتمل لو عندك القوة والاصرار !!
نصحيتي لكل وحدة ، بعد تجربة الولادة وانا بكرية ، هي انك تمسكي بزماام الأمر ومايتغلب عليكي، انا طول الوقت كنت اركز واتنفس شهيق زفير بين طلقة وطلقة وهذا ساعدني وايد ، وخلا الألم محتمل :)
والحمدلله ولادتي ماخذت وقت اصلا
لان راس الجنين كان داخل بالحوض من كم يوم ، وقالولي انو عنق الرحم كان قصير مثل ماخبرتكم قبل ايام.. فـ الحمدلله ربي سهلها لي ، من غير ما استعمل اي شيء يسهل للولادة ..
ودعيتلكم كلكم بولادة سهلة وميسرة وانه يقومكم ربي مثل ماقومني بالسلااااااااااااااااااااامة

رح اخبركم بباقي القصة (شو صار بعد الولادة الخ....) مرة ثانية
لازم ارضع البيبي :)


اه نسيت ، زوجي للحين ما قرر على اسم ههههههههه
بس قال خلاص بيكون اختار بعد كذا يوم او يومين


يلا اشوفكم على خير حبايبي