(( قصة ولادتي + تجاربي و نصائحي ))

[هبهوبة]

السلام عليكم و رحمة الله و بركاته ..



أنا من زمان بتابع المنتدى من أول ما حملت .. بس ما كنت شارك .. و استفدت كتير


هلأ بسم الله ابني صار عمرو خمس شهور ع قبال كل الحوامل ما يقومو بالسلامة



في يوم 19/6/2012 صرت أحس بمغصات خفيفة جدا جدا جدا .. كل خمس دقايق بالأول صرت اتمسخر اقول لزوجي و أهلي شكلو طلق و زوجي يطلع بوشي يقلي حاج تمثيل و انا ع أساس انو عمبمزح بعدين انتظم أكتر صار كل دقيقتين بس كمان مغص خفيف جدا بعد تلت ساعات صرت راقب بالساعة فعلا لاقيت انو كل دقيقتين بجيني مغص خفيف قلت مستحيل انو حسب ما بقرأ الطلق ببلش بالاول كل نص ساعة بعدين ربع ساعة بعدين خمس دقايق بس انا من اول ما بلش معي كل دقيقتين .. للمسا قلتلا لأمي تتصل بالدكتورة تحكيلا .. الدكتورة طلبت مني انو روح المشفا و افحص حالي .. رحت للمشفا نزلت ع غرفة المخاض .. كانت غرفة مخيفة مرعبه .. كلها اصوات صريخ و ألم .. الدكتورة الي فحصتني أول ما شافتني قالتلي سألتني انتي بأي أسبوع قلتللا بالاسبوع ال 37 .. قالتلي أنتي بكرية .. قلتلا .. اطلعت بوشي قالتلي شكلك ولادتك مطولة كتير بس طلعي افحصك .. فحصتني قالتلي الرحم فاتح بس 1سم يعني شغلتك لسا مطولة كتير .. قلتلا بس عميجيني ألم منتظم كل دقيقتين .. قالتلي يمكن عمتتوهمي .. اتصلت بدكتورتي خبرتا بلي صار معي .. دكتورتي اتصلت بالمشفا طلبت منن يعطوني ابرة .. (( وظيفتها : انو ازا في الم طلق بقويه و ازا طلق كاذب بروح الألم )) اخدت الابرة غير مؤلمة أبدا .. اخدت الابرة و رجعت عالبيت و انا خايب أملي و خجلانة من جوزي انو اخدتو ع المشفا ع الفاضي خاية نحن عنا مشاكل ع الطرقات .. بعد الابرة ضل الالم منظم بس كل مالو يزيد .. للساعة تلاتة بالليل صار الالم متل الم الدورة بالزبط .. و انا عمبتالم و متسطحة ع التخت و فجأة .. انفجرت ميت الراس .. قلبي صار يطرق خفت كتير صرت صرخ بالبيت من خوفي .. بسرعة اخدني زوجي ع المشفا كشفت علي الدكتورة قالتلي بدك يوم او يومين لتولدي بس تحسي انو الألم صار لا يطاق و ما عاد تتحملي تعالي ع المشفا .. رجعت ع البيت و سويت طريقه لتخفيف الالم رح ازكرا تحت فادت معي .. ضليت عمبطلق للساعة ستى الصبح .. بعد الساعة ستى الصبح صار الالم قوي جداااا .. و مية الراس مفجورة صرت حس بالبيبي متلو ما هو يعني حس برجلو براسو لانو ما ضل مي .. اخدني زوجي ع المشفا .. فحصتني الدكتورة قالت ولادة و انا كنت عمبصرخ و عمبركد بغرفة المخاض اتصلو بدكتورتي اجت بسرعة .. اعدت ع كرسي الولادة و الالم كل مالو يزيد .. حطتلي الدكتورة سيرون بايدي مهدئ و حطتلي كمامة .. بس تجي الطلقة تشيل الكمان تقلي ادفعي ادفع وقت تروح الطلقة تحطلي الكمامة انام .. ضليت هيك تقريبا ساعة عند آخر طلقة بعد ما طلع راس البيبي عطتني ابرة تخدير عام .. ما حسيت ع حالي الا و انا فايقة من البنج عمبسالن وينو ابني و الحمدلله جبت لابني بصحة جيدة و صحة ووزنو كان 3*200 و طولو 50 سم الله يخليلي ياه و ما يحرمني منو و يطعم كل محرومة و يقوم كل حامل بألف خير و سلامة



نصائحي عن تجربتي


1ـ بس تصيرو بالشهر التاسع اكثرو من تمرين الكرفصاء و الركد و القفز و الرقص و الحركة و المشي


2ـ لا تخافو من الولادة صحيح مؤلمة بس محمولة مو متل ما كنت اتخيل


3ـ اختارو طبيبة تكون شاطرة


4ـ فحص الطبيبة لما تقيس لك الرحم كم فاتح مو مؤلم ابدا ابداا مع اني قبل من كتر ما قرأت عنو خفت كتير ناس قالو انو مؤلم اكتر من الولادة بس الحقيقة عكس هيك تماما مو مؤلم ابدا


4 ـ رح اعطيكم وصفة جربتها وقت الطلق و الحمد لله فادت معي انا اخدتها من المنتدى و جربتها ممتازة


بتجيب حبة بركة و زيت زيتون و بتدفيهم ع النار و بتدهني بطنك و ظهرك قالولي انو بساعد على سرعة فتح الرحم .. و انا هالشي شفتو لانو ع الساعة تلاتة كان الرحم فاتح 1سم بعد ما دهنتو بفضل الله ولدت ع الساعة 8و نص مع اني بكرية و الدكتورة الي شافتني قالتلي لسا مطولة

تاني شي بتجيبي مي ساخنة و بتحطي رجليكي فين كل ما تبرد المي خلي حدا يغيرلك المي و يحطلك مي سخنه كتير بخفف الم الطلق

تالت شي لما بتجيكي الطلقة حاولي لا تتحركة و لا تصرخي لانو بالصريخ و الحركة بزيد الالم


بالاخير بقول لكل البكريات توكلو على الله و لا تسمعو لحكي النسوان لانو اغلبن كتير بحطو بهارايات الولادة تسهيل من رب العالمين صعبة بس حلوة


أنا لما كنت حامل كنت قول مستحيل احسن اولد انا من الابرة بموت من الخوف و شكلي نعوم و حالة بس سبحان الله


بتمنا كون حسنت فيدكم بتجربتي