ولدي عمره 3 سنوات ومايتكلم

[ام رانيا]

ولدي عمره 3 سنوات وما يتكلم حتى اسمه ماينطقه عدل ولا اسما اخوانه بس بابا وماما وباي بس حاولت اعلمه ينطق بس زي اللي يبلع الحرووف الحروف معظمها تختفي هو اكبر من ولد عمه بسبع شهوو ر وما شاء الله تبارك الله ولد عمه ينطق ودايما يعلقو عليه سلافاتي لانه ما يتكلم وانا اعطيه رضاعه وفطمته منها بس ابوه موراضي يقول صغير يقول الحليب في لعمر 4 سنوات ورجعت عطيته الرضاعه وهم يقولو من الرضاعه ماتخليه يتكلم وانا ما اعتقد من هالشي لانه عنده ولد عم لعمر اربع سنوات ماتكلم وفجاه روع الكل بدا يقول كلمات ما شاء الله وصار هذار درجه اولى هل هذا وراثه او ولدي بيصير غييير لاني بدات احاتيه ما شاء الله عيال عمه اصغر منه حافظين السور والادعيه الصغيره وهو يحاول بس حتى الحروف ما تنطق عدل عنده
من صار مع ولدها او بنتها كذا لاني خايفه ارجوووكم لاتطنشوني وردوو علي