تجمع الحوامل اللي ولادتهم في صفر 1434هِ

[ياهم ربي كبير]

بنات اشكركم على ردودكم
ادري اني تأخرت وااااااايد بس والله مو باليد
:(
كنت خايفة اني لو شريت شيء بعدين اندم لا قدر الله
قلت اتأكد الأول انو كل شيء تمام مع البيبي .. وآخر سونار سويته كان بتاريخ 25 اكتوبر ، يعني قبل اسبوعين كذا
وبهذا التاريخ اجت حماتي ومالقيت وقت للشوبينغ ، وراحت قبل يومين كذا ، فأمس اول فرصة بعدما تأكدت على البيبي انو كل شيء تمام ..


واليوم كان موعدي الروتيني الساعة 1 الظهر
خبرت الميدوايف عن اللي صار معاي
والآلام اللي حسيتها بالظهر والحوض ، وخبرتها اني لقيت ماي وبعدها بقعة دم اليوم الفجر !!!
خافت وأمرتني اروح المستشفى عشان يتأكدون انه البيبي تمام ،، فـ طلبت تاكسي ورحت
وحطوني تخطيط قلب للبيبي لمدة 20 دقيقة
وبعدها سوولي سونار عشان يشوفو نسبة الماي ،
واصعب شيء كان لما عينوني من تحت !! شفت انواااااع الألم
قالو لازم نشوفك من تحت بما انه عندك ماي ينزل !! نبي نعرف السبب ،، فـ خفت وتوكلت على الله وقلت اوكي
جابو حديدة فتحو فيها ودخلوه وفكرت خلاص بيسوولي تحريض خخخخخ (ماعرف شلون بيكون التحريض)
كنت اصرخ عليهم شو بتسوون ليش الحديدة هذي هل بتجيب طلق وولادة
وجت وحدة ثانية مسكت بطني من تحت ودخلت يدينها على البطن عشان تحرك راس الجنين ، تصورو !! حسيت خلاص رح ادخل بولادة !! لان الألم كان فظيع وماعرفت وشو ناويين عليه ، بالأخير يقولون كنا نبي نشوف لو يطلع منك ماي الجنين عشان كذي حركنا راس الجنين عشان نشوف لو في تسرب للماي !! حسبي الله عليهم
قمت ولبست وقالولي ارجعيلنا الاثنين بنسويلك نفس الحركة عشان نتأكد مرة ثانية كل شيء تمام ، قلتلهم اوكي ، بس مارح اروح يمه شوي وكنت بستشهد اليوم !! :( وكل هذا كنت بروحي لان زوجي كان بالشغل !!