ابي وصفه للولاده الطبيعيه بعد القيصري..

[استغفر الله؛]

السلام عليكم اخواتي

وربي ضايقه فيني الدنيا ومو عارفه ايش اعمل وماعندي احد اسئله غيرركم ..

اليوم صارلي رابع يوم بالعاشر وولادتي السابقه قيصريه بعد ماطوفت فيها كمان عشر ايام وبعد التحريض بتحميله وشفت الموت للأربعه سانتي نزلت موية الرحم وكان فيها براز الطفل الله يكرمكم علشان كذا كان خطر على الجنين وحولوني قيصري وي الله كيف تعذبت بعد العمليه ومايحس بكلامي الا الي جربت الم القيصريه ...

المطلوب الحين صارلي اسبوع ماراجعت المستشفى اخاف يقررولي قيصري ويستعجلوا علي ادري انو قرار غبي لكن لاتلوموني الي شفتوا من الحمل السابق خلاني اخاف من كل شي ...

نفسي اولد طبيعي وارتاح مثل بقية الناس الطبيعيه وربي سمعت انوا صاحبتي كانو مقررين لها معاي بنفس اليوم وولدت طبيعي الله يبارك لها وطول اليوم وانا ابكي مو حسد وربي العظيم لكن حسره على نفسي وليش ماني مثل باقي الحريم الي يخلصوا بشكل طبيعي اللهم لك الحمد ولا اعتراض على قضائك ...

الي تعرف وصفه او اي شي يساعد انو ولادتي تكون طببعي ويفتح الرحم ويجيب الطلق لاتبخل علي الله يوفق كل من ترد وربي ضايقه فيني الوسيعه وكارهه نفسي وماكتبت معاناتي من فراغ الا واني كلي امل القى عندكم شي يريحني


الي ما بأيدها شي تكفيني دعوتها لي بولاده ميسره طبيعيه ولها بالمثل بأذن واحد احد






اعذروني على الأسلوب وربي مو عارفه ايش اكتب لكن كلي امل بعد الله تتيسر اموري وارتاح ..
اختكم ام فهد..