تجمع الحوامل اللي ولادتهم في صفر 1434هِ

[مدوخه حبيبها]

بسم الله
اغراض البيبي
(الصور من قوقل)

مناديل عادية ناعمة( عشان تمسحين البيبي فيه اذا وسخ نفسه لأن صعب بالايام الاولى تغسلينه..تمسحينه بالمنديل العادي بعدين بالمناديل الرطبة
_مناديل رطبة غير معطره(انا افضل مناديل بيجون )

_ رضاعات زجاج لأنها افضل في التعقيم عدد 3 حبات (انا افضل بيجون) 2 حبة وسط للحليب(.. و1 حبة صغيرة للشاي
بنات انتبهوا تملون الرضاعة للاخير لأن معدة البيبي صيغرونة ومايتحمل

_ شاي للرضع بالاعشاب(اسألوا الصيدلي عن احسن شاي لهم..انا كنت في بنتي اشتري نوع بالشمَر.كان مره زين
لأن البيبي راح يجيه مغص وغازات وحتى لما يتبرز راح تشوفونه اوقات مايل للون الاسود,لاتخافون الشاي راح ينزل اللي في بطنه ويرتاح..

_ ماء غريب (للمغص)



ماء غريب مره ممتاز للمغص لمايزيد صياح البيبي معناه بطنه يألمه تقدرون تضيفون قد الغطاء حقه
على الحليب او مع الشاي المخصص له..
وللعلم انا سمعت انه مقطوع في بعض الصيدليات معاد يجيبونه اسألوا الصيدلي عن البديل الافضل..

_ مصاصه للبيبي(لهاية) افضل شي اللي تجي كلها سيلكون واهم شي ماتكون كبيره على فم البيبي.

_ معقم لسرة البيبي (انا ماافضل المسحات الطبية لأنها تألم البيبي) ببنتي يوم طلب زوجي من الصيدلي مسحات طبية حذرنا منها انها تألم البيبي لأن سرة البيبي يكون مثل الجرح.فنصحنا بالمعقم.اسألوا الصيدلي عن افضل شي لسرة المولود..
الله يعافيكم كروشات ترى العناية بسرة البيبي مهمة
انتبهوا لهالنقطة.اقروا مواضيع عنها



_ مقلم اظفار(طبعا المولود ماتقصون اظافره الا اذا كبر شوي لأن يمكن تجرحينه خصوصا ان اظافره مره طرية

_ حفاظات

_ حليب لحديثي الولادة اسألوا الدكتور عن افضل نوع ومايسبب امساك او غازات(وانتبهوا كل شوي تغيرون الحليب لنوع ثاني لأن هذا يأذي معدة البيبي

_فرشاة شعر لحديثي الولادة

_ ميزان حرارة

_ بودرة اطفال

_كريم او مرهم طبي للحفاظات
.....
اغراض الام

_فوط صحية
_ حفاظات للصدر
_غسول طبي للجراحة+ مرهم للجرح(المرهم احتمال يعطونكم بالمستشفى اللي راح تولدون فيه استمري عليه
_مشد طبي
_ شفاطة حليب للصدر

وبس ان شاء الله مااكون نسيت شي..
ومو مشكلة حبيباتي لو نسيتوا شي تقدرون تشترونه بعد الولادة

_