مطلقه .... منفصله ... تعالي احكي قصتك وماذا استفدتي؟؟

[ام مايا ويارا]

السلام عليكم
انا سعيدة جدا لاني اشتركت معاكم في المنتدي دا من زمان وانا حاسة اني محتاجة اتكلم مع حد حول الموضوع .
انا مطلقة منذ سنتين وعندي بنتين تؤم عندهم 4 سنين . للاسف زواجي دام بس 4 شهور وبعدها بدات المعاناة مع زوجي الموضوع بدا من قبل كدا بكتير تقريبا من اول يوم في الزواج.
سامحوني لكن انا هاتكلم عن حاجات كتيرة اولا مطلقي كان يعملني كانيي حيوانة في كل شئ في المعاملة الجنسية او حتي المعاملة العادية كنت بحس ان انا فعلا متزوجني عشان شهوتي فقط لاغير .
مش لازم يكون عندي اي فكر او رائ او اي شئ مجرد كنبة او كرسي انا ما تعودش علي كدا اساسا في بيت اهلي انا متعملة معي بكالوريوس ابي وامي كانوا يعاملوني احسن معاملة.
لكن في يوم لاقيت ان هو بيدخل اهله في كل شئ بالذات اخته عارفة عنننا كل حاجة ساعات بحس ان هي كمان عارفة احنا بتعمل ايه في حجرة النوم.
ابدات اقرف من الموضوع دا وابدات المعاناة يوم ما اخته ضربتني وهو شايف كل حاجة وما اتحركش.
النهاية انا اطلقت بحكم من المحكمة بعد ما طردتني من شقتي واستولي علي المنقولات بتاعتي واتجوز كمان علي عفشي ورفض ان هو يردلي اي حاجة من حاجاتي.
حسبي الله ونعم الوكيل فيه .
المهم انا دلوقتي بشتغل طبعا عشان اربي بناتي والحمد لله مرتبي مكفني بجانب النفقة بتاعت البنات .
بس المشكلة ان انا حاسة بوحدة كبيرة والله اقسم بالله العظيم مش موضوع جنس او اي شئ لكن وجود شخص في حياتك تتكلمي معاه تشاركيه مشاكلك ومشاكل البنات بس .
المشكلة الاكبر كمان ان البنات بداوا يقولوا بابا طبعا عشان هما بيسمعوا من الحضانة كلمة بابا الموضوع دا ماثر فيه قوي قوي وبقول ياريت كنت استحملت عشانهم لكن برجع وبقول لا لو كملت معاه ممكن تكون حياتي حجيم انا وهما .
ياريت يا ستات حد يناقشني في الموضوع دا ويقولي انا صح ولا غلط واعمل ايه؟
شكرا
ام مايا ويارا