اشك ان فيني سرطان الثدي

[كبرياء طفله]

السلام عليكم ورحمة الله وبركاته .... انا حابة اشكي لكم وافضفض لكم حاسة اني مهمومة ولا احد يسمع لي كل ماشكيت لاحد يكذبني
انا والد لي شهرين ونص وطبعا لان بنتي ولدتها تعبانة عطتني الدكتورة حبوب تجفف الحليب ,,اللي صاير اني الحين لي شهرين ونص وانا احس بالام في الصدر وخصوصا اليسار منها مع العلم اني احاول اني اذا تحممت اعصر صدري عشان يطلع لو فيه شى ,,, ومع كذا مايطلع شى...ابوصف لكم الالم ( احس بالم في الصدر مع الظهر والكتف واليد اليسار وتثقل يدي ويتكز الالم في الابط بقوة والذراع من فوق وتحت الابط المنطقة بين الصدر والظهر ,من كثر تفكيري بالالم صرت اشك انه سرطان ثدي لان مو معقولة لي شهرين والدة ومانشف الحليب مع اني استخدم حبوب منع الحمل ؟؟؟ او هرمون الحليب ارتفع ومسبب لي الالم والا هو سرطان ثدي
لاني كمان احس ان صدري لونه سمر من الحمل ولحد الان مارجع لونه ,,, عندي الحلمة اللون الاسمر اللي حولها مبعثر ومنتشر مو زي اخواتي مرتب وكمان طالع لي سواد تحت الصدر مو عارفة هل هو من علامات سرطان الثدي ان الجلد يتغير لونه والا من اثار الحمل مع العلم ان ماعندي تكتلات في الصدر اللهم انتفاخ بسييييييط تحت الابط واذا ضغطت عليه ماااايوجع ابد

ماعاد عارفة وش اسسوي طلبت من زوجي اروح اكشف ورفض يقول انتي موسوسة مافيك شى
سؤالي هل ممكن يكون من الحليب وانا لي شهرين ونص وانا والد ؟ وهل يكون عندي سرطان الثدي وانا عمري 26 وما في عائلتنا احد تعبان به؟ وكمان قريت ان فيه مرض اسمه الابهر اعراضه زي الالم اللي عندي بس مسيطره علي فكره ان عندي سرطان الثدي

وكمان حاجة محرجة شوي انه انا في صدري الايسر ماعندي حلمة والايمن فيه بس بسيييييطة