حملي والغربه اتعبوني

[ذكرى الحنين]

السلام عليكم ورحمة الله وبركاته

كيفكم وايش اخباركم

حياالله كل من دخل موضووعي والف شكر لها

انا عمري 17 في لندن مع زوجي
حامل ب الشهر الثاني
كنت خااايفه حييل من فكره الحمل وعارفه انه يتعب
بس كنت مشتاااقه اني اكون ام حلوه الامومه حلو انو يكون عندي طفل يقولي ماما
امنية كل متزوجه انها تحمل حتى لو في البدايه تكابر تقول ابي بعد سنتين او ماابي الحين وكنت خايفه اني مااحمل لان تاخرت في حملي
عرفت اني حامل يوم 17شهر 10
الاعراض قبل الكشف
الام بصدر
والتعب والنوم الطويل
والغثيان في الصباح
والم البطن
وتاخر الدوره
والشعوربالدوخه
سويت فحص بالشريط بدون مااعلم احد وتفاجئت انها خطين
بغيت استخف لحالي بكيت بكيت وضحككت من الوناسه ههههههههه كان شعور حلو
قلت لازم اعلم زوجي قلت له الدوره تاخرت جيب ليا شريط وسويته ووريته هوا
فرح كثير اني حامل قال لازم نروح المستشفى كمان نسوي تحليل دم
سويته بمستشفى خاص وبشرنا اهلينا وكلهم فرحو
عمي طلعنا استراحه بالمناسبه لان راح يكون اول حفيد
من الصدمه حسيت انهم فرحانين اكثر مني
وللعلم ان اختي دكتوره على ماحسبتلي تقول انه صار يوم 28 رمضان
انا لما جيت لندن كنت حيييل مكتابه ومرره تعباااانه كل يوم اصحى ابكي وانام ابكي
حتى زوجي جاله اكتئاب مرات ادوخ ولا يعرف يتصرف والغثيان من لما اصحى لما انام
ومااكل ولا اشتهي الاكل كثير اشياء اكرهها ريحة الممر حق الشقه مرره اكررهه
المويه اببدد ماتجلس ولا دقيقه اذا شربتها على طول ارجعها
وريحة الطبخ تقلب نفسي وتجيب ليا صداع
ولما انام بطني من عند السره يوووجعني
مااقدر اوقف كثير يعني زي الصلاه مااقدر
اصير ارتجف واحس اني بدوخ ويبدا غثيان
اغلب وقتي يرووح بالنوم ولا اشبع منه
نحفت مره مره مره وشعري صااار يطييح وسمرت
تعبت كثير كثير من الحمل اتنشط يوم واتعب باقي الاسبوع
مااخذ ادويه لان ماعندي و روحت المستشفى ولا استقبلونا
يقولو لازم ضمان طبي وبنسويه ان شاء الله
نفسي ارجع عند اهلي وامي اشتقت لها كثييير
ملييت من هينا دخلت معهد انجليزي قلت اتسلى واشغل وقت فراغي واستفيد
كل يوم اقول متى اوولد هههههه بدري على هـ الكلام بس وش اسوي من التعب
وادعي ربي من كل قلبي يسهل لكل حامل حملها تفرح بشوفته يكبر بخير قدامها
واعتذر اذا طولت عليكم
بس اتمنى تفيدوني ماليا احد غير الله وغيركم بالغربه
واشكركم