اخذ حبوب منع الحمل وانا مشتهية الحمل

[سيدة العمر]

اخذ حبوب منع الحمل وانا مشتهية الحمل:

الموضوع كما هو باين من العنوان.... رحلة عذابي للانجاب كان اخرها هو ظهور كيس على مبيضي الايمن ... كنت رايحة خلاص اعمل اطفال انابيب ومجهزة نفسي وماشية بلموضوع وبكل الخطوات وفجاه ظهرلى هذا الكيس على مبيضي الايمن... هو حجمه تقريبا 3 ونص...وطبعا الدكتور حكالى انو مش حينفع تعملى اطفال انابيب وعندك كيس...واخرنا الموضوع لشهر ويمكن مايروح الكيس واتاخر شهرين او 3 او 4...

مابعرف ليش كل ما توصل الامور للنهاية تاتى مفاجاه ترجعنا لورا خطوات...

[color="rgb(255, 140, 0)"]كتبلى الطبيب انى اخذ حبوب منع الحمل من خامس يوم للدورة عشان الكيس يروح ...وانا اليوم الخامس من الدورة وزوجى الان خرج للصيدلية عشان يجبلى الدوا....وانا قاعدة بالبيت بفكر !!! مش قادرة استوعب الموضوع .. اخذ حبوب منع الحمل وانا مشتهية اخلف واجيب اطفال؟ كيف يعنى باى شرع ؟ ولله حرام.. مش متخيلة منظرى وانا ماسكة الحبة وبشربها وببلعها... يالله.... يمكن كل ما مر علي من مواقف و عمليات وعلاجات وبكاء واحباطات اهون عليا من هذا الموضوع ...[/color]

الحمدلله على كل حال...


ولكن انا اتساءل الان... من يوم ما اتزوجت ووانا وزوجي طول الشهر وبنعمل كافة احتياطاتنا وبنشتغل ايام التبويض وبنتغذي وبيكون عنا برامج معينة... ياترى هالشهر هذا شو اعمل؟ شو اسوي!! هل امتنع عن الجماع!! ياترى حيكون لينا نفس نعمل شي؟ احنا كل مرة بنعمل واحنا على امل الانجاب ياترى هالمرة حنشتغل بناءا ع ايش؟ هل ممكن يا بنات يصير حمل وانا باخد حبوب منع الحمل؟ طيب انصحونى شو اعمل خلال هذا الشهر؟ هل استكين واسكت ويروح هيك شهر عالفاضي؟ يمكن شهر عند البعض عادي وممكن تستسخفون الموضوع لكن بالنسبة الى خسارة يروح هيك!! وانا الى عايشة اعد الايام واحسب!!


بالله عليكم ساعدونى شو اعمل؟ لو عندكم تجارب او خبرة فيدونى؟ وهل عنجد حبوب منع الحمل تشيل الكيس؟ ولا ممكن اقعد اشهر اخذ حبوب منع الحمل ؟ وهل له مضاعفات؟؟
والى ما عندها تجربة لا تبخل عليا بدعوة حلوة متلها... وشكرا الكم يا غاليات بس انا حزينة كتير كتير وحبيت افضفضلكن...