الناس كلت وشي عشان الحمل

[olfabutterfly]

انا والله باحمد ربنا ليل نهار و الحكايه مش في بالي
لما ربنا يأذن إني أحمل هاحمل بس الناس مش سايباني في حالي و بيعبو في راس حماتي ليل نهار و هي مش ناقصه
انا الحقيقه جوزي عمرو ما ذكر الموضوع قدامي ولا بين انو متضايق و لما انا ابكي او حاجه من الي بيحكوه عني يقوم يقولي مالك بيهم هما مش هايكونو ادرى من ربنا و بيواسيني
على طول يخرجني و يفسحني و يقولي لو كنتي حامل كنا هنعيش حياتنا زي كده؟ انا 24 سنه و هو 27 و دايما يقولي مش لما نكبر احنا الاول ويضحكني
بس حماتي ربنا يسامحها 7انا والله صايره باتخض لما تلفوني يرن، عشان لو وحده اتصلت تسال عليا لازم تسال عالبيبي
انا اخويا اتجوز من قريب، حماتي قالتلي لو مرات اخوكي حملت قبلك هتخليني فضيحه طبا انا اعمل ايه
تحاليلي كلها سليمه و جوزي كمان بس ربنا ما ارادش
بالله قولولي اعمل ايه؟