اللي تحب حماتها مثل امها تدخل على الخط؟؟؟؟

[جورية شامية]

موضوعك رائع و يستاهل المشاركات الكتيييييرة
قبل ما تتزوج الوحدة فينا تفكر انو رح تكون حماتها متل أمها
بس من جهتي بعد الزواج اكتشفت انو مستحيل تكون الحماة أم و الأكيد انو مافي حدا ممكن يوصل لمكانة ولا حتى قريبة من مكانة الأم
الله يحفظلنا امهاتنا جميعا يارب
حماتي تعاملني منيح لو ماقصرت بحقها و حق بناتها و لبيت كل طلباتهم و سايرتهم حتى على غلطهم
و بناتها معاملتهم مو منيحة معنا الله يهديهم يارب
و في بنت منهم تضل تناكدي و تحاولي تجاكرني كمان و انا المفروض مني اتقبل و ما احكي أي كلام يزعج جنابهم
ببداية زواجي حصلت كتييييييير مشاكل من هالموضوع ماكنت متقبلة فكرة انو سايرهم و أكون معهم منيحة كتير و مافي شي بالمقابل
بس بالنهاية لقيت انو راحة بالي بشتريها بمسايرتهم وبلا مشاكل بيني وبين زوجي
والحمدلله الفترة الأخيرة خفت المشاكل .. بس بصراحة انا تعبت كتير لأنو ما بتتخيلي المواقف اللي تصير و لازم ما احكي ولا كلمة و لو كان الموقف سخرية مني .. بس أقول لنفسي ربي شايفني و شايفهم ومايضيع شي عنده
الله يهدي بال كل وحدة تعاني من حماتها
و ربي ما يدوق اللي متهنين مع حمواتهم اللي دايقينو نحنا
و مشكورة مرة تانية عالموضوع