مسابقه أجمل قصه لتحقيق حلم الإنجاب

[ندوووش]

المشاركة الأصلية كتبت بواسطة فوضت امري لله

هذه مشاركه وميض النجوم

________________________________


تزوجت وانا كنت ادرس بالجامعه .. وزوجي موظف .. طبعا مر على زواجنا شهر .. شهرين .. ثلاث .. سنه سنتين .. وبدأو الناس يسألوني ليه ماحملتي ؟؟ اقولهم ماابغى الحين وانا فعلا ماكنت خايفه قلت اكيد هالشيء عادي وانا مابغى اطفال الحين توني عروس .. مرت 3 سنين زيادة وصارو 5 سنوات زواج وللحين الناس على هالسؤال ليه ماحملتي ؟؟ مليت من كثر مااقولهم ماابي الحين وقلت لهم الله ماكتب .. وفعلا انا وزوجي قررنا نسوي تحاليل وكانت نايج تحاليلنا سليمة لكن سبب التأخر غير معروف وزوجي ماكان مهتم مره عادي وانا بدأو الوساويس والقلق يجوني وقلت لازم آخذ منشطات يمكن البويضات فيها شيء .. وخذت ابر منشطة مافي فايدة .. ومرت سنه وصارو 7 سنين زواج وماصار حمل .. قررنا انا وزوجي نروح الحج .. ولما رحنا للحج كنت بدعي ربي انه يرزقنا بطفل لكن مادعيت قلت في نفسي احس اني مصلحجية جايه عشان ادعي ربي وسكتت ومادعيت .. وكانت الدورة مفروض انها تجيني بنفس اليوم الي بنرجع فيه من الحج لكنها مانزلت طنشت .. وبعد مارجعنا من الحج مرت 4 ايام والدورة شفتها تأخرت قلت لنفسي يابنت قوومي سوي تحليل مابتخسرين شيء وكنت واثقه ان مافي حمل بس جاني فضول وقلت يلا .. ورحت سويت وانتظرت النتيجة واشوف السستر تقولي مبروك مدام انتي حامل ! كانت هالكلمة كأنها سهم في قلبي ماصدقت نفسي ابدا وقلت لالالازم مستشفى ثاني اتاكد ورحت مستشفى ثاني ونفس الشيء مبرووك مدام انتي حامل والفرحة لاتووووصف سبحان الله بدون ماادعي ربي الله عرف الي بقلبي 4 ايام من رجعت من الحجل وطلعت حامل ورحت سويت لزوجي مفاجأءة لما جا بينام حطيت تحت البطانيه قبعات وجواريب مواليد ولما شافها زوجي دمعت عيوونه وقال صدق ؟؟ ولاتكذبين؟؟؟ وقلت له والفرحة لاتووووصف ونورت حياتي بنتي الله يحفظها يارب .. طبعا لما بنتي كبرت وصار عمرها 5 سنوات تسألني ماما ليه كل الناس عندهم اخوات وانا ماعندي ؟؟؟ وانا ارقع لها اي سالفة ومشت عليها وبعدين البنت كبرت وصار عمرها12 وتعرف في شيء اسمه عقم وتأخر حمل و هالسوالف و قلبي يتقطع على بنتي الف قطعه اذا سمعت خبر وحده حامل من عايلتنا دموعها تنزل وتبكي زي الأطفال واقول لها يا ماما ربك كريم لاتخافين انشاء الله بيصير عندك اخت او اخو والحين عمر بنتي 14 او 15 المهم قررنا انا وزوجي نسوي اطفال انابيب مافي الا هالحل وسوينا اطفال انابيب 5 مرات وكل المحاولات بائت بالفشل وبنتي حبيبتي تبكي تقولي اختي موجوده ؟؟ ولا لا في شي في بطنك ولالا؟؟ وانا ابكي معاها اقول لها لا ياماما ياحبيبتي انشاءالله الله يعوضنا وجلسنا بيأس وحزن و صديقتي دلتني على مكان لاطفال الانابيب ممتاز جدا جدا ومن اول محاولة تنجح قلت لزوجي عليه ما وافق قال رجال مستحيل اخلي رجال يكشف عليك لان في الخمس محاولات الاولى كانت حرمه الي تسوي لي العمليه وحاولت في زوجي مو راضي .. ولما اقتنع !! قال بشرط أتزوج ! طبعا انا ماكان عندي خيار الا اني اوافق بس ما قلت له مباشرة اني موافقه قلت له طيب متى نروح للدكتور انا مستعده نفسيا وجسديا قال بكيفك اي وقت تبين و فعلا رحنا وحددنا موعد وكشف الدكتور وفحص البويضات وعطاني ابر وعلاج وسوا لي العملية .. وقالي ممنوع تتحركين من السرير بس للحمام فقط وقال الدكتور بعد عملية ترجيع الاجنه ب 14 يوم تحللين تحليل الحمل طبعا طلعو مني 4 بويضات ورجعو لي 3 لان الرابعه مو زينه المهم .. وبالاسبوع الاول نزل مني دم خفييييف ولونه بني كلمت الدكتور قلت له قالي عادي وطبيعي بس بنزيدك المثبتات وزادني مثبتات ومر الاسبوع على خير وجا الاسبوع الثاني و حسيت بألم فضيع جدا جدا وقاتل مثل الم الدورة بس بشكل فظيييييييييييييييييييييييييييع واصرخ من الالم وبعدها بساعه حسيت بشيء نزل ورحت الحمام والا اشووف بلاوي دم احمر كثيييييييييييييير مره ومعاه قطع وكتل بكيت وقلت لبنتي وبكت وقالت اختي ماتت وقلبي متقطع عليها وتم ينزل الدم ينزل لمدة 7 إلى 8 ساعات ووقف وماعد شفته استغربت وكلمت الدكتور قالي 90% انها دورة بس حللي تحليل حمل الهرموني لانه دقيق جدا ويطلع نتيجة الحمل حتى لو كان تووه لان تحليل الدم العادي مايطلع الحمل بسرعه المهم وقلت يلا بحلل شبخسر وحللت تحليل حمل هرموني وقالو النتيجة بكرا وانا اعصابي نار نار وراحت بنتي المدرسة وانا انتظر الساعه تجي 8 الصبح عشان اروح اشوف النتيجة ورحت مع زوجي واتفاجأ الممرضه تقول مبروووك انتي حامل !! قال لها زوجي متأكده ؟؟؟؟ قالت له ايوا ودخلت للدكتورة بروحي وقلت لها دكتورة في حمل ؟؟؟ قالت ايوه ماشاء الله تبارك الله والنتيجة عاليه جدا واحتمال انهم توأم ! وفرحتي لاتوووصف وكنت انتظر اللحظة الي بنتي تجي من المدرسة عشان اخبرها بهالخبر الي طول حياتها تبغى تسمعه وطبعا جهزت الكاميرا وخليتها على جنب وجات بنتي من المدرسة وعلى طوول اول مافتحت الباب هااه ؟؟؟ شصار ؟؟ قلت لها مافي حمل وتحطمت بعدين قلت لها طيب تعالي بقولك شيء عشان تهدين شوي قالت لي شنووو؟؟ قلت لها الله كريم صح ولالا؟ قالت اي اكيد .. ماما يعني انتي ح .. ؟؟ قلت لها اي وهي تبكي تقوول ماما يعني في شيء في بطنك ؟؟؟ يعني في اخت بتجي ؟؟؟ يعني في احد داخل ؟؟؟ وانا ابكي قلت لها اي يا ماما في شيء داخل وتبكي حبيبتي بنتي والفرحة غمرت قلبها ... الله لايحرمني من فرحتها يارب و الله يبلغني بشوفة بناتي أحلى عروسات طبعا انا حامل ببنت وحدة مو توأم .. والله يجيبها بالسلامة ..
وانا الشيء الي فرحني اكثر ان بنتي الحين مبسووووطة مره وتحقق حلمها لانها تقطع قلبي كل ماتسمع احد حامل تبكي مره وتقول لمتى ؟؟ والناس يحملون عشان يقهروني وعايلتنا ماشاء الله اغلبهم كل سنتين او ثلاث يحملون

الله يحفظ لي بناتي ويرزقني ويزرقكم كل خير يارب

عارفة يابنات اني مررره طولت بحاول اختصر واتمنى اني زرعت الامل في قلوب المتأخرات عن الحمل والله يبلغكم ويبشركم بالحمل

ماشاء الله تبااااارك الله قصه رااااااعئه بكل تفااصيلهاا وفيهاا امل كبير

الله يفرحك في بنااتك وتشوفينهم في اعلا المنااصب ياااارب