أعدكم بدعوه في ظهر الغيب .. ساعدوني .

[مملكة الحب]

السلام عليكم ورحمة الله وبركاته..

الله يسعدكم يارب ويتمم حمل الحوامل ويرزق كل من تتمنى عاجلا غير آجل يارب..

كتبت لكم الحين بعد حيييره وقررت آخذ رأيكم لعلي أجد من يتشابه بحالتي أو لديه الخبره ..

حبايبي أنا بشهر 7 أخذت كلوميد ووصلت بويضتين ماشاء الله وأخذت ابرتين تفجير وتفجرت لكن ماحصل حمل والحمدلله ع ذلك

بشعبان سافرت ومارحت للدكتوره وجتني الدوره ب 26 وأخذت كلوميد لمدة 5 ايام حبه باليوم من ثاني يوم دوره نفس الشهر اللي قبله وكنت كمان مسويه طلح النخل وبروبليس وعسل وخالطتهم مع بعض
وبنفس الايام اللي كنت آخذ فيها الحبوب آخذ خلطة العسل اللي مسويتها بس طبعا مو بنفس الوقت بس بنفس اليوم

المهم يوم 11 من الدوره رحت للدكتوره قالت مافيه الا بويضه وحده حجمها 10 أنا استغربت قلت معقوول كذا يصير وأنا ماخذه كلوميد وخلطة العسل وكلهم منشطات
يوم 13 رحت لدكتورتي اللي من اول ع اساس بشوف وسوت لي سونار مهبلي وكل شوي تقول لي فكي رجلك وأحسها مستغربه بعدين قالت يمكن طلعت البويضه المهم بعد محاولات قالت فيه وحده حجمها 11 وقالت التكيس شكله زاد عندك استغربت لأن له سنين معي ماعمره زاد معقول هالشهر بس يزيد

بدأ الكلام يلف براسي ودخلت نت اتأكد من فائدة طلح النخل لقيت انه يساعد ع ان البويضه تكبر وتطلع بسرعه قلت يمكن حصل تلقيح بعد الدوره ع طول ؟؟ تتوقعوا ممكن؟؟!

المهم الدكتوره قالت اذا جت الدوره تعالي ثاني يوم عشان أسوي لك سونار ونبدأ علاج

انتظرت لين 27 وماجت الدوره وعملت تحليل منزلي طلع خطين واحد غامق والثاني خفيف جدا
رحت سويت تحليل دم مافيه حمل

انتظرت لثالث العيد جبت تحليل منزلي ثاني سويت تحليل طلع خطين واحد غامق والثاني فاتح جدا بس واضح ووريته زوجي وشاف الخط الثاني يعني مايتهيأ لي ..بعدها بيومين سويت دم مافيه حمل كمان

رحت للدكتوره حكيت لها اللي صار ووريتها تحليل الدم وسوت سونار مهبلي وسونار عالبطن قالت مو مبين حمل يمكن من التكيسات وأعطتني دوفاستون خلصت منه الأحد واليوم الثلاثاء ماجت الدوره وسويت تحليل منزلي ماظهر الا خط واحد

فيه أعراض أحس فيها ظهري أحسه يؤلمني من تقريبا نهاية رمضان حتى لما اسوي مجهود يعورني أو إذا مشيت كثير ..
وفي أول رمضان كنت أحس نغزات حول السره وعالجنب .. والحين أحس نغزات أسفل بطني عاليسار زي الرفرفه ..
أحيان أحس ألم اسفل بطني ..من رمضان معي افرازات شفافه كانها مويا وخفت بعدين وأمس حسيت شيء ينزل خفت تكون دوره بس طلعت افرزات بالكلوت الله يكرمكم ..
حلماتي فيها بروز بسيط وصدري طري ..

أعتذر جدا طولت عليكم بس تحملوني وربي اني بحيره مايعلم فيه الا الله ..

أنا أحس ان الدكتوره محتاره وحطت السبب بالتكيس هل ممكن ان الدكتوره بالسونار تلخبط بين التكيس وكيس الحمل ؟؟؟؟ انا من اول التكيس بسييييييط جدا حتى كل الدكتورات اللي رحت لهم قالوا نسبة بسيطه لاتمنع الحمل واستغربت بهذاك الشهر بس زادت ..وسألت الدكتوره قالت الكلوميد والتفجير مايزيدوا التكيس ..

الحين الدوره لها شهر الا اسبوع ماجت

تكفوون ساعدووني ..